دام برس:

ــ فاضي
ــ لوين مشوارك؟
ــ عا ساحة باب توما
ــ طلاع
ــ أديش بدك؟
والله بهل ظروف وفقدان البانزين والحواجز يلي عندكون ومن جرمانا لا تواخذني بهل كلمة وعلى باب توما والله لو طلبت منك ألف ليرة بيكون قليل!
ــ يعني سانن سنانك علـ 1000 ليرة؟؟؟
ــ والله انت الخيّر ونحنا المستاهلين
ــ أخي روح تيسّر الله يرضى عليك
ــ ما بدك تطلع؟؟؟
ــ انت شو رأيك؟؟؟
ــ والله ما بعرف
ــ بوجود الناس يلي متلك ما ضل خير بكل سوريا...خليني هون بجرمانا أحسنلي
ــ سيدي بالناقص من هيك زباين وبيكون أحسن...ما بعرف كيف الله توّهني ووقفتلك!!!
ــ سيدي بالناقص منك ومن سحارة الخردة المصدية يلي راكبها... شغلة الشوفير محترمة بكل دول العالم ما عدا عنّا بفضل الناس يللي على شكيلتك...شو مفكرني عندي عصابة خطف لحتى ادفعلك 1000 ليرة عل توصيلة!!! بس مو الحق عليك الحق على يلي خللاني احتجلك يا دب...تضرب بهل كسم، يعني لو طلعت ونزلت   فانت مو اكتر من شين واحدة من 3 شينات اكيد بتعرفهون كتير ومشهورين هون بسوريا، ويمكن شينتين لأنك مو شوفير بس، لأنك شوفير ولسانو طويل يعني شين زائد شين تانية... روح تقبر حالك، انت ويللي فلل لك الديبو وكل يوم بيعببيلك جالونين تانيات حاططهون بالباكاج.
آل ودافع حق سيارتي أكتر من حقها باوروبا بمرتين ودافع رسم سنوي ورفاهية بتكسر الظهر ومخوزق بفوائد 30% بالقرض تبع البنك اذا مو أكتر مشان بالآخير أضطر لواحد من هل نمرة.
آرا  سوفاليان
كاتب انساني وباحث في الشأن الأرمني
السبت 26 01 2013
arasouvalian@gmail.com