|
|
|||
دام برس
خايف يا مسيحي ؟ اي خايف ..خايف اني صير الاقلية يلي عم يحكو عنها...خايف اني حس انن عم يفضلوعليي اذا عايش ببلدي..خايف اني صير اضطر ما اطلع ابعد من باب توما والقصاع..خايف صير ما اقدر حط الصليب وامشي..خايف اني صير اضطر حجب اختىي لانو في الاف المتطرفين..لكمو الاف واحد بس بيقدر يأذيني..خايف انو كنيستي تبطل ترن جراسا ..اي خايف ..حقي خاف ..أنا خايف على بلدي
وانت ياعلوي خايف كمان ؟
...
اي خايف ..خايف
يصيرو ينتقمو من النظام فيني..خايف صير افقر من هلئ ..خايف يصير حرف القاف تهمة...خايف يصير الجبل الصغير يلي متخبي فيه مو إلي...خايف ارجع مقهور متل زمان..خايف صير الكافر العلوي...خايف صير بلا شغل لاني خايف..اي خايف حقي خاف ,,أنا خايف على بلدي
وانت يادرزي كمان خايف ؟
اي طبعا خايف ...خايف صير موت لاني مابشبهك..خايف صير موت بسبب الاشاعات يلي مطلعينا عليي...خايف جيراني يقتلوني لانن جيراني...خايف موت بسبب السيوف يلي بساحة السيوف ..خايف لانك آخدني لمكان انت مابتعرفو ..اي خايف ..حقي خاف ..أنا خايف على بلدي
وانت ياسني شو يلي مخوفك ؟
انا خايف من يلي بيلومني على ديني..اناخايف من حقد عمرو الاف السنين...انا خايف لأني ماني كتير متعصب...انا خايف لاني بدي عيش..اناخايف الكل يتهمني اني متعصب وبدي وبدي...انا خايف صير ما اقدر سلم عليك لانو بتصير تعتبر خيانة...انا خايف لانو من هلئ نص يلي بعرفون بطلو يسلموعليي وأنا ماني هيك شو صار ببلدنا...أنا خايف على بلدي
مشاركة آية العلي
| Copyrights © dampress.net | المصدر: http://www.dampress.net/?page=show_det&category_id=48&id=22909 |