دام برس – متابعة - اياد الجاجة :

في خطوة هي الأولى من نوعها، عمل ناشطون سوريون على شبكات التواصل الاجتماعي على نقل عبارات قصيرة حصلوا عليها من معارف وأقارب لهم في الجيش العربي السوري على كل محاور القتال مع الإرهاب في سوريا، ناشطوا الصفحات المتحدة المؤيدة لسوريا حاولوا في مبادرتهم البسيطة مد جسر افتراضي في الفضاء الالكتروني ما بين المغتربين وأبطال الجيش السوري بحسب ما نص البيان الذي قاموا بتوزيعه مع مقطتفات من عبارات جنودٍ وضباط في الجيش العربي السوري، حصل موقع بوصلة على نسخة منها ويعرضها كما هي دون تجزئة أو حذف أي منها كما وردت:
- بدي قول هلا الوضع احسن من قبل بكتير و قربت تخلص عم نخنق هالارهابية بكل المحلات خلي ثقتكم بالجيش العربي السوري كبيرة منصورين بإذن الله.
- أحد رجال الله على محور جوبر – القابون: قسما بالله عم نفعسون متل الصيصان و أحيانا من الرعبة عم يقوصوا على بعض هانت كتير و عم يموتوا الكلاب موت بطيء.
- ملازم اول على حاجز الليرمون “يلي مع الجيش يآمن بهالبلد وبالقيادة الشغل جبار ومستميت بس كل الدني علينا ماحدا فينا مفكر بالرجعة عبيتو القضية مانها بنظام القضية بشي اسمو سوريا امنو فيها لترجع متل الاول والله يحمي هالبلد ويديم الاسد برغم كلشي اثبت انو زلمة ورجال لهيك عم نقاتل معو”
- من القابون ” عم نسلقاهن ونتسلى فين واسا بدا شغل كتير بس ماورانا شي حاطين العدة وقاعدين وبالنسبة للمجزرة بالله حرقتلي دمي بس بيعنا الله وبالنهاية هي بلدنا ومالنا غيرا ولا النا غيرا”
- الجيش العربي السوري رجال الله ع الأرض، عهد علينا نستمر بحمايتكم وبالقتال حتى اجتثاث اخر ارهابي من ارضنا المباركة . وما رح ننسى الوصية المقدسة اللي وضعها الشهداء باعناقنا , ورح نبقى صامدين حتى آخر نقطة دم عم تمشي بعروقنا ” وأن ينصركم الله فلا غالب لكم “
- اللي مالو أرض مالو عرض والجيش العربي السوري رح يبقى حامي الأرض والعرض وكل شهيد راح من الجيش العربي السوري نور دربنا مليون سنة لقدام، واللي عم يحكي عن خيانة بعض افراد الجيش , سيدنا موسى و عيس ومحمد خانوه بس بالنهاية ما بينتصر غير الحق , ومنصورين بعون الله ونحنا رجالك يا بشار!

- حاجز دمر البلد . الموت أخر شي مناكل همو . . همنا هلق انو نضل وراكون لنخلص على اخر واحد فيكون انتو اللي رفعتو سلاح بوجه المدني والعسكري.
- جبهة معضمية الشام . . منتمنى انو ارهابيين النصرة اللي عم يجوا من السعودية والاردن يعدو للعشرة قبل مايحطو رجلهون بسورية . . اكتر واحد سعودي إرهابي عمر بهالبلد خمس شهور قبل مايصير مصيرو تحت هالبوط . . اسود الحرس الجمهوري
- من جبهة الزبداني: لا تبكوا علينا إن سقطنا شهداء فالوطن بدوا رجال ونحن رجال الوطن ورجال الأسد وقسما بالله لن نضع السلاح حتى نطهر هالبلد من الارهاب وناخد بتار الشهداء وتار أخي شهيد درعا
- حمص … انتو ديرو باكن على حالكن والجيش العربي السوري بدير بالو على الكل
- من أحد قياديي الجيش العربي السوري: لكل من يحاول ان ينال من معنويات جيشنا الباسل العقائدي البطل. . رجال هذا الجيش رجال أشداء شجعان تربوا في مدرسه الصمود والتصدي والعنفوان والكرامة ورضعوا حليب الشهاده و الكبرياء والتضحيه في السلم والحرب، ونحن اليوم نخوض معركه كونيه دفاعاً عن عزه الوطن ووحده ترابه، نواجه هذه الحرب بكل شجاعه واقتدار وايمان بالنصر المحتم مهما طال الزمان، لأننا أصحاب حق وأصحاب قضيه عادله ومن كان على حق فإن الله معه، التضحيات لن تذهب هدراً ستتوج بالانتصار، منذ سنتان ونصف جيشنا يحارب ويقدم التضحيات. . رسم امام ناظريه وأخذ عهداً لا للتراجع الانتصار والانتصار فقط، جيشنا الأبي مازال مقاوماً بسبب صمود ودعم الشعب السوري، خان العسل لن تهزنا بل ستزيدنا اصراراً رسالتي في هذه المرحله، المرحله الخصبه لا لانتشار الشائعات الأيام ستكشف كل شيء لا للتسرع بالقرارات الصبر فقط، جيشنا متماسك مصمم على تحقيق النصر مهما بلغت التضحيات، آمنوا بنا، الرحمة لارواح كافه شهداء سوريا، النصر و إياكم يصنع.