دام برس

بهي الأزمة خسرت كثير ناس، منهم يلي استشهد ومنهم يلي تغير، أي منهم يلي تغير، صرت ممنوعة من الكلام مع مين كنت اعتبرهم اصدقاء يمكن تفكروا انه انا السبب لهيك راح خبركن عن السبب بكل بساطة لانه اعتبروني غريبة عنهم بسبب طائفتي او مذهبي او موقفي السياسي، ياترى قبل سنتين ما كا نوا بيعرفوا مين انا، اليوم بدي قلن يا اصدقاء الامس انا البنت السورية انا شريكتكم بالوطن و أختكم بالانسانية، انا بنت الشام وحمص واللاذقية انا من الجبل الأشم ومن حوران الأبية أنا بنت الفرات وقلعة حلب انا من الجمهورية العربية السورية، بدي قلكن انا ما تغيرت وبقيت بنت الارض السورية فيها بعيش وفيها بموت وبتبقى المحبة اصل القضية، ايدي بايدكن رح نرجع نعمر البلد ونخليه رمز للحضارة البشرية، ايدي بايدكم لنبني الوطن ونحميه ولتبقى سورية رمز التسامح و الانسانية ، خلونا نعيش بامان بعيد عن التطرف والعدوانية، ايدي بايد لترجع سورية بلد المحبة زوالسلام، وبالختام الوطن كرامة وشرف واخلاص هيك تعلمنا وهيك تربينا وهيك بنبقى وكلكم اخواتي بالانسانية