الرئيسية  /  كتاب وآراء

أكثر سؤال بيقهر ..وهلق عرفت ليش زعلان ؟؟؟


دام برس

اكثر سؤال بيقهر لما يشوفك حدا ويطلع بوجهك ويقول ليش زعلان بتحب تعرف ليش
زعلان على بلد تدمر
زعلان على شعب بعد ما كان افضل شعب صار اسمو لاجئ
زعلان على شوارع صارت الساعة 8 بتفضى
زعلان على شب ما بيعرف اذا بريجع لعند اهلو ولا لا
... زعلان على مساء الرصاص والتفجيرات روتين كل ليلة
زعلان على شعب نقسم موالي ومعارض
زعلان على ناس كل واحد صار يخون الثاني
زعلان على شعب ذبح بعضو
زعلان على ضحكة فارقت وجو...ه العالم
زعلان على وجوه العالم كيف صار الخوف سمتو الوحيدة
زعلان على شعب صار يكفر بعضو لدينو
زعلان على مدن تدمرت
زعلان على ناس صارت تكذب ابن بلدا وتصدق الغريب
زعلان على شخص اذا طلع من بيتو ما بيعرف اذا بيرجع ولا لا
زعلان على ام فقدت ابنها وكل ذنبو انو عسكري عم يخدم البلد
زعلان على محافظات ما عاد نقدر نزورها خوفا على حالنا اذا منرجع ولا لا
لا يا ابن بلدي موالي ومعارض مو هيك تربينا ولا هيك قيمنا طول العمر كنا ايد وحدة العلوي اخو المسيحي اخو السني اخو الدرزي اخو الشيعي وبس تتوجع بتصرخ وبتقول اخ وكلنا اخوة وولاد هالبلد يلي اكلنا وشربنا من خيرها ومو هيك لازم نقدملها
وزعلان وزعلان وزعلان وزعلان
وهلق عرفت ليش زعلان

لـو إجتمـع العربـان على "إسـرائـيـل" كما إجـتـمـعـوا عـلـى "سـوريـة"
لـكـانـت تـحـررت فـلـسـطـيـن خـلال سـاعـات 

Copyrights © dampress.net

المصدر:   http://www.dampress.net/?page=show_det&category_id=48&id=21739