Logo Dampress

آخر تحديث : الجمعة 01 تموز 2022   الساعة 01:08:04
دام برس : http://alsham-univ.sy/
دام برس : http://www.
وزير الاقتصاد السوري ينشر صور الفيلا الجديدة التي بناها في حلب

دام برس

وزير الاقتصاد السوري ينشر صور الفيلا الجديدة التي بناها في حلب( صور )نشر وزير الاقتصاد والتجارة نضال الشعار الصور النهائية للفيلا التي أنجزها في منطقة ريف المهندسين في حلب على صفحته على الفيسبوك، وكتب معلقاً "Finally" أي أخيراً، تمكن من إنجازها.

وانهالت التبريكات من أصدقاء الشعار على الفيسبوك، مع تأكيدات على أنه يستحقها وأنها من جهده وتعبه باعتباره يمتلك سجلاً طويلاً في العمل مع مؤسسات عربية ودولية في مجال المصارف وغيرها بحسب ما نشر أصدقاؤه.

يذكر أن وزير الاقتصاد السوري شملته العقوبات وخسر الكثير من تجميد أمواله في الخارج كما قال لمجلة الاقتصادي في حوار نشر سابقاً.





اقرأ أيضا ...
تعليقات حول الموضوع
  0000-00-00 00:00:00   مو مبروك
والله من أول ما شفتك على التلفزيون أحسست أن أموال قطر والسعودية ليست بعيدة عنك وأنا كمهندس أقدر كلفة هذه الفيلا بأكثر من 150 م ليرة أي أن عم اتهمك لأنك سبب الغلاء في سوريا وقطر والسعودية ما بدهم منك أكثر من هيك
فارس  
  0000-00-00 00:00:00   مبروك
الف مبروك لسيادة الوزير .. ولكن المشكلة عنا في البلاد العربيه 99% من الناس وبدون اسثناء عينهم ضيقه وبليجسدوا حتى لو كان من اقرب الناس اليه ان كان اخوه مو بايدن هي طبيعه .. فمهما حكى المتطفلين هي العاده ... فألف مبروك
ابو باسل  
  0000-00-00 00:00:00   نعيدها ثانية
كنت قد كتبت تعليقا عن الموضوع ولم أتطرق للتشكيك بنزاهة السيد الوزير ،كما أنني لا أعتقد أن رجلا بذكاء ومعرفة السيد الوزير سيعلن عن فيلا بهذا الحجم لو أنها كانت من أموال مسروقة لا سمح الله...ولكن الموضوع وما فيه كان اعتراضنا على التوقيت..التوقيت ..التوقيت ويمكنكم اعادة قراءة التعليق بقليل من التروي..أصلح الله الجميع.........
مواطن سوري  
  0000-00-00 00:00:00   فهمنة
هيك فيلا لازم يكون اشرافها على بحر أو نهر يلا مو مشكلة بجيب النهر لعندها
سيلين  
  0000-00-00 00:00:00   ان بعض الظن اثم
لا تظلمو الشرفاء لقد خسرهذا الرجل الكثير منذ استلامه لهذا المنصب ارجو منكم اان لاتهاجمو الشرفاء وتتركوا الحرامية امثال
حلا  
  0000-00-00 00:00:00   والله برافو معالي الوزير .....
والله أنا صار لي 30 سنة موظفة ..وراتبي جيد والحمد لله .. بس والله ما قدرت وفر منه حتى ابني غرفة مونة في الحديقة .. برافو عليك قدرت توفر تبني هذه الفيلا الحلوة ..أكيد عانيت كتير من التقشف وشد الحزام .. أنا والله ماقدرت اتقشف لأنه بدى ولادى ياكلوا ويشربوا ويلبسوا وينبسطو ا.. وعمرها ماتكون غرفة مونة بالجنينة معالي الوزير ....... مو مبروك .......حتى لو كان الخبر صحيحا .. فاستتروا ........!!!!!!!!!1!!!.
PETRA  
  0000-00-00 00:00:00   وزراء ...
حتى لو كانت الفيللا من مال الوزير الخاص .. فكونها مبنية بأسلوب معماري أوروبي تقليدي ـ كلاسيكي ـ تدل على ذوق تبعي وتفكير كومبرادوري أي برجوازي وسائطي وليس منتج .. ففي ظروف بناء دولة مستقلة حقا، غير تابعة ، ينبغي بالموظفين الكبارالتحلي على الأقل بصفة الفخر والاعتزاز بالفنون المحلية ومن أبرزها الفن المعماري ، وليس اتباع أذواق أغنياء الصدفة الأميين .. المسألة للوهلة الأولى سطحية وليست ذات أهمية ، لكنها تحمل دلالات عميقة ليس أقلها عقدة النقص أمام الأوروبي والاغتراب في الوطن وسطحية الأنتماء ..وما يمكن أن يتبع من أعمال وتصرفات لأشخاص يحملون مثل تلك الصفات ، غني عن التعريف ..
سميح أبوصالح ـ جولاني ـ روسيا  
  0000-00-00 00:00:00   الشعار
الى نجاتي ومواطن سوري ومنى ومواطن و كل المشككين هذه الفيلا بدي في بنائها قبل 7 سنوات وقبل مايصير وزير. ولوكان الرجل حرامي لما قال للعالم شوفو انا عم اسرق. بتعرف يا مواطن ان والد الوزير يمللك محطة بنزين مع ارضها طبعا في مدخل حلب من قبل 1970 عطريق الشام... وبتعرف قبل مايجي عبلدك كان يشتغل بوول ستريت يا ... وبعدها اشتغل خبير في بورصة دبي. وبتعرف انو خسر في الازمة المالية الاخيرة مبلغ بيشتري عشرة فبلات من هاي وبتعرف قبل مايصير وزير كان امين عام منظمة المصارف الاسلامية في العالم براتب 60 الف دولار... فقط لاخذ العلم
سعيد  
  0000-00-00 00:00:00   الف مبروك
مبروك سيادة الوزير وانشاء الله تتهنى فيها
حلبية  
  0000-00-00 00:00:00   شر البلية ما يبكي
أنا لست بصدد محاكمة السيد الوزير والبحث في مصدر أمواله فهذا ليس من اختصاصي....ولكن فليسمح لنا السيد الوزير،ألم يكن بإمكانه الاحتفال بهذه المناسبة السعيدة على مستوى ضيق من الأقارب والأصدقاء؟هل اختار السيد الوزير الوقت المناسب للإعلان عن هذا الحدث العظيم على الملأ؟إذا كان السيد الوزير لم يحترم جيوب المواطن التي تصارع الأسعار فليحترم على الأقل مشاعر من احترق بيته وتهجر منه،فليحترم أحزانا انتشرت على كل مساحة الوطن..حتى اللحظة الأخيرة كنت أظن أن الخبر هو عبارة عن مزحة ما ولكن اتضح أنه حقيقة وموثق بالصورة ...على كل حال مبروك للسيد الوزير بالفيلا ومبروك لنا بالسيد الوزير..
مواطن سوري  
  0000-00-00 00:00:00   Finally
العمى شو نقاقين لما الواحد يقول "finally" يعني بتكون طلعت عيونو بالطول و بالعرض لينهي الموضوع ياسيدي انشالله منزل مبارك والله يهنيك فيه بس دير بالك شوي عالغلابا و الله الشعب السوري بيستاهل كل الخير و خصوصي الدراويش
درويش معتر  
  0000-00-00 00:00:00   مبروك
مبروك للوزير وقد استطاع تخفيض الاسعار وادارة الازمة الاقتصادية لصالح فقراء الناس ,ورغم الغلاء والاحتكار وتجار الازمات ,فقد استطاع فقراء الناس التخلي عن بعض مدخراتهم وجمع المال لبناء هذا القصر للسيد الوزير مكافأة على تعبه وخدمته للبلد ولهم ,اليس هو القائل انه تخلى عن وظائف ومهام ومناصب عالمية وجاء الى سورية مبروك لنا جميعا ياسيادة الوزير ؟
نجاتي  
  0000-00-00 00:00:00   فيلاضخمه
لو اختصرت كم غرفه وعمرت للمحتاجين كان احسن
ليلى س  
  0000-00-00 00:00:00   عنجد الناس مابتستحي
قبل مايكون وزير عنا ياجهلة ياللي مابتقروا اخبار العالم.. هو كان يعمل بأعلى المناصب في اوروبا وامريكا وترك شغلوواجا لعنا وعملو عليه عقوبات وجمدو امواله وتعبو بعد كل السنيين من الدراسة والعمل والله الناس لاتستحي
مواطنه  
  0000-00-00 00:00:00   عفوا !!!!!
بس العفو كيف تأكدتو انو هالخبر صحيح , خصوصا انو اي واحد فيه يعمل حساب ع الفيس بوك ويحط الاسم يلي بدو ياه , بطلب من الموقع توخي دقة ومصداقية اخبارو بشكل اكبر , انا ما بعرفو للوزير وما بدي دافع عنو ولا عن غيرو بس ما بحب تتهم الناس بدون وثائق وادلة دامغة , لانو يلي عم يصير ببلدنا هوي بالضبط اتهامات للنظام بدون اي ادلة ...
احمد  
  0000-00-00 00:00:00   لمة
رح نعمل لمة لهلمسكين والله قطعلي قلبي ويلي بدو يساهم معنا يراسنا على العنون التالي : w w w . من مال الله ياشباب .com
عمار  
  0000-00-00 00:00:00   لا تضلموا الرجل
الرجاء لا تظلموا الوزير هاي الفيلا ورثة بس من مال الشعب ورثها
قيس  
  0000-00-00 00:00:00   وزير
نذكرك ياسيادة الوزير بأن كلمة الوزير تعني حمل وزر الناس وهمومهم... فكيف ستشعر بالاسعار النارية في الاسواق وحرقها لجيوب الناس ولديك مثل هذه الفيلا ؟؟؟؟؟؟؟؟؟؟؟ من لك هذاااااااااااااااااااااااااااااااا؟؟؟؟؟؟؟؟؟؟؟؟؟؟؟؟؟؟
مي  
  0000-00-00 00:00:00   اين لك هذا
ما حدا سأل هالسؤال؟؟؟؟!!!!! من اين لك هذا ليش كل موظف او مواطن ما عندو فيلا؟؟؟؟!!!!!
مواطن  
  0000-00-00 00:00:00   هه هه هه
منيح يلي خلصت الفيلا مشان ترجع الأسعار شوي *
سورية  
  0000-00-00 00:00:00   حلوة
بشرفي حلوة شو بدنا بالحكي هي أكيد أكيد من راتبو الف مبروك*
مجد**  
  0000-00-00 00:00:00   مبروك
ألف ألف مبروك يا وزير الاقتصاد تعبت ولاقيت والله*
علي*  
  0000-00-00 00:00:00   يا حرام
شايفين يا حرام عنجد من تعبو وعرق جبينو الله يهني فيا**
منى*  
هل ترغب في التعليق على الموضوع ؟
ملاحظة : جميع التعليقات المنشورة تعبر عن رأي أصحابها ولا علاقة لموقع دام برس الإخباري بمحتواها
الاسم الكامل : *
المدينة :
عنوان التعليق : *
التعليق : *
*
   
دام برس : http://sia.gov.sy/
دام برس : https://www.facebook.com/Syrian.Ministry.Culture/

فيديو دام برس

الأرشيف
Copyright © dampress.net - All rights reserved 2022
Powered by Ten-neT.biz