دام برس
أنا معارض : يا عيب الشوم يا خائن الوطن ,مندس, عميل لجهات خارجية ولازمك دعس لك تفووو عليك
- طيب خلص أنا مؤيد : لااااا انت فعلا خائن لشعبك, ,شبيح, مخبر, و حسابنا معك بعد ما يسقط النظام رح اندعوسك لك تفووو عليك
- طيب معناها أنا محايد: له لك انت مكروه من الطرفين (لان الحياة موقف و لازم تحدد موقفك) يا عيب الشوم يا متذبذب لك تفووو عليك
- أخي أنا من جماعة الحل السلمي: طبعا ما انت جبان, و دم الشهداء برقبتك لانك غيبتهم , و لازم ناخدبالتار لك يا عيب الشوم لك تفووو عليك
- طيب خلص رووق انا من جماعة الحل العسكري: انت مجرم بلا اخلاق لانه ما بكفيك اللي استشهدوا لهلئ يا قاتل لك تفووو عليك
-أنا ضد تسليح المعارضة :اي يعني , شو بدك يانا نموت و نحنا ساكتين مثلا !! لك يا عيب الشومتفووو عليك
- طيب أنا مع تسليح المعارضة : اي شو بدك يصير في البلد حرب اهلية؟ لعما انت ما بتفهم لك تفووو عليك
- أنا أصلا ضد التدخل الخارجي:لك حبيبي لأيمت ؟حبيبي افهام ان ما كبرت ما بتصغر ,و هل نظام بدو الناتو لحتى يسقط لك انت بتظل غشيم لك تفووو عليك
- اذا انا مع التدخل الخارجي:بالله شووو !! ,بدك تجيب المستعمر عبلدك على طبق من دهب !! لك تفففوووو عليك
طيب أنا قررت هاجر: يا عيب الشوم عليك شو البلد أوتيل إزا ما عجبتك الخدمة بتسافر, خليك إنئبر هون ببلدك تفو عليك...
طيب أنا قررت ضل هون لشوف شو آخرتها: شو مجنون إنت؟ معؤول هيك تخيل حالك تموت من ليبي بالأخير من إرهابي؟!! بتروح بلاش و تخيل حالك تموت بشي قزيفة من الجيش السوري إنت و ببيتك؟ شو بتسفيد يا غبي , تفووووو عليك ...
طيب أنا وين روووووح !!!!
مشاركة آية العلي
0000-00-00 00:00:00 | رد |
الصول إما وطني سوري اصيل أو عميل اسرائيلي وهابي سلفي .... صحيح فشة خلق لكن المفروض أن ثقتي بقيادتي كبيرة وماعندي إلا حل واحد ؟مسح هالكلاب عن الوجود وماحدا يقول حل سياسي ومدري شو ؟؟؟ الرئيس نادى بالإصلاح وأكيد انا و80%(ع الأقل)معه وبدنا اصلاح أما جماعة مايسمى المعارضة وخصوصا حسن عبد الشيطان بعد ماسمعوا بخطاب الرئيس عن الاصلاح صار معهن مس وجنون لأنهم مابدهن غير نخريب سورية | |
عصام |