دام برس

ـ آرا من نوع الموانة والأخوية الك ولا للديب ... يا سيدي يلعن ابو الديب ...قلّي شو الموضوع؟ بدي استأجر بيت لأهلي بجرمانا في حوليك بيت، بمعنى حوليك جماعة أوادم عندون بيت للآجار بدون ما يعمونا بآجارو؟
ـ يا سيدي عشت عمري وما عندي غيرو هل بيت ومو متأكد انو إلي لأنو محجوز عليه من جماعة العقاري ومن جماعة تانيين الله يسامحون.
ـ قصدي حدا من معارفك
ـ والله من معارفي صعب لأنو كل معارفي ولادين حلال أما ولادين الحرام فهدول ما بعرفهم بنوب إلا في حالات الضرورة القصوى.
ـ كيف يعني؟
ـ استئجرنا بيت لأختي من واحد ابن حرام قعدت فيه شهر هي واولادها الثلاثة ودفعت آجار البيت يلي كان ابن الحرام يأجرو بعشرة آلاف دفعت خمسين الف وتركت بعد شهر لأنو ابن الحرام أخد آجار شهر سلف وكان بدو آجار 3 أشهر، بعد شهر تعرفنا على ابن حرام تاني طلع ألعن من الأبن حرام الأولاني يلي حط بالبيت مروحة جربانة اشتغلت يومين وهي عمّ ترقص وتهز ديسكو لحالها وبعدين تعطلت فتم تغريم اختي بثمنها 1500 ليرة سورية وكان قد سبق لأبن الحرام الثاني هذا ان اشتراها بـ 100 ليرة من سوق الحرمية، وكذلك أحضر ابن الحرام الثاني زلمة " تحبير غاز"  ونفخ في جرة الغاز التي في بيت أختي غاز بقيمة 25 ليرة واشتغلت أختي على الغاز طبخة واحد  ونفذ الغاز وقال لها ابن الحرام الثاني انه سلّمها الجرة مليانة! واشترت شره ودفعت 1500 ليرة ثمن جرة غاز جديدة فتبين ان هناك ابن حرام ثالث لاطش نصفها...والآن تجرب بيت ثالث استأجرته من ابن حرام رابع، وأنا الآن وفي خطوة استباقية ابحث عن ابن حرام خامس أضعه في لائحة الانتظار.
• Raffi Suvalian
آرا هل الجميع بخير
سمعنا انو انفجار عنيف هز جرمانا صباح اليوم ؟؟؟
• 
Ara Souvalian
الكل بخير نحنا كنا بالشام انا ورونيه وكارني وكانت آني لحالها وأكلت رعبة رهيبة ...التفجير تحت بيت خالك بفرق بناية او تنتين ما منحسن نوصل لهنيك ولا يوجد اسماء تقربنا في قوائم القتلى والجرحى هناك جرحى ارمن...تاركين الله وعابدين جرمانا