Logo Dampress

آخر تحديث : الجمعة 19 آب 2022   الساعة 16:55:45
دام برس : http://alsham-univ.sy/
دام برس : http://www.
ليش !!!؟ لأنو هيك .. بقلم : شامية في المغترب

دام برس - خاص - متابعة: اياد الجاجة
خسرت نصف صديقاتي وتعالقت مع نص زملائي بالعمل ، وقاطعت ستين سبعين محطة معادية ودخلت في مناقشات إلها أول ماإلها آخر في محاولات بائسة لاظهر حقيقة شو عم يصير عنا ولكن عبث ... فعلا عبث !!! فئة تظن أني غبية جبانة عم يضحك عليي (النظام) ببرامج التضليل الإعلامي تبع قناة الدنيا وتقارير الاخبارية السورية وضيوف القناة السورية ... يعني انا واحدة شاطة ريالتي ساذجة اصدق كل مايقال لي ....
الفئة الثانية ، متدينة ، لاتستوعب أنه يجب ان يكون في هذا العالم طائفة غير طائفة واحدة هي جزء منها وهي وحدها على حق ..وأي أحد ثاني هو بالضرورة عدو يجب القضاء عليه قبل أن يقضي علينا ... هذه الفئة تمشي خلف كل من يقول الله وأكبر ولو كان يركض نحو الجحيم ...الله وأكبر هي كلمة السر التي تعطي الحق لحامل السلاح أن يشخط رقبة من الوريد الى الوريد ، وعلى قولة الله وأكبر ، وباسم الدين واعلاء كلمة الله والجهاد ... مو فازرني غير الجهاد ... يعني الجهاد بفلسطين مو جهاد 5 نجوم ..بس بسوريا ..وبس اطفال سوريا ..وبس شباب سوريا ... هو الجهاد ال5 نجوم الذي يعطي بطاقة الى الصف الأول في جنان الخلد ..إي اسمعو هالسيرة لكن ..قال قبضو على ارهابي مظنر حالو بحزام ناسف ، ابطلو مفعول العبوة قبل ما تنفجر .. غضب الارهابي وثار وهاج ليش برأيكن .. قال قاللو للظابط ... انت كنت السبب بحرماني من العشاء مع رسول الله ... !!!؟؟؟ طيب إنت مغسول دماغك ومصدق شو فهموك ، هيك مقتنع !! ماشي ، انت حر ... ياأخي روح لحالك ، فجر حالك بعيد عنا ... اهل سورية مابدهن يروحو معك ... شو بالزور الشغلة ...!!
أما الفئة الثالثة وهي الأكثرية فهي تتمثل بالفقس الجديد ، الجيل الجديد ، وهدول كمان ينقسمو الى فئتين ... الأولى .. تبع الهيب هوب ، والكول .. والبنطلون الزاحل ..وعلم الانتداب الفرنسي على إيدهن وعلى سيارته انو شو !! هنن كوووول ثورجية .. هدول كل واحد منهن مفكر حالو خليفة الثائر الكبير تشي غيفارا .. وبيحكولك عالحرية والديمقراطية وحقوق الانسان وهنن والله أعلم مو قاريين كتابين بحياتهن ...كل واحد منهم يظن نفسه الثائر الذي سيحرر سورية ... من شو بدك تحررها تقبرني !!!؟ هنا وجوابا على هذا السؤال تنهال عليك تعابير عمرنا ماسمعناها الا على زمن الفورة ... والغريب انها ظهرت فجأة ... يعني قبلها عمرو مانوصف فيها أحد .. اترفع عن ذكرها لأن المستهدفين بهذه الالفاظ بيشرفو سوريا وبيشرفو العرب وبيشرفو العالم كلو ... نرجع للفئات ، القسم الثاني هنن الذين رضعو الحقد من اهلهن الذين هربو من البلد من سنين طويلة لأنهن بهداك اليوم كانو ناويين على يللي عم يصير اليوم .. والاسلحة اللي انكمشت وقتها مو أقل منها هلأ .. وقتها ..الله وحكمة حكومتنا نجت البلد من الدمار مع الترحم على أرواح الناس اللي راحت وقتها بين الرجلين ... المهم هدول الحاقدين الفارين المختبئين ربو جيل لم يعرف سورية اصلا ولم يعيش فيها يوم .. لكنه يكرهنا ... لأن اهله هيك خلوه يفهم ... يعني وقت بيقولولك هدول وبكل صفاقة بدنا ضربة عسكرية ، انت بترد بتقلهن ..بدكم تدمرو البلد ..!! مو خايفين عليها !! بيقولولك منرجع منعمرها !!! ولك شو ترجعو تعمروها !!! الشام كل حجر فيها تاريخ ..تاريخ للبلد وتاريخ لأهلها وتاريخ لكل واحد فينا .. شو بدكن ترجعو تعمرو !! بتعمرولي مدرستي اللي درست فيها واللي عمر بناءها أكثر من 100 سنة واللي كل مانزلت عالشام بوقف قدامها وبحس قلبي رح ينط من صدري !!! بترجعو شجرة النارنج اللي واصلة لعند بيت اهلي بالطابق الثاني واللي عمرها أكثر من 50 سنة .. بالمناسبة كل سنة كانت امي وجارتنا أم فلان تختلفان على حقنا بالثمرات الواصلة لعنا وجارتنا تريد أن تستأثر بالكل .. أمي وجارتنا توفو وصارو في زمة الله وبقيت الشجرة تزهر وتحمل ويسقط الثمر على الأرض بدون أن يجد يدا تجمعه .. شو بدك ترجعو تعمرو ياجهلة ..هي الشاااااام .. الشام التي لاتشبه أي مكان آخر في الدنيا .. ولا أهلها يشبهون أحد في الدنيا ... ليش !! لأنها الشام ... 

 

اقرأ أيضا ...
تعليقات حول الموضوع
  0000-00-00 00:00:00   فشيتيلي خلقي
يسلم تمك كلام رائع
محمد  
  0000-00-00 00:00:00   اموت بالشاميات
الله يحمي سوريا ويحمي الشام والشاميات لانهن افضل نساء العلمين اجملهن وافهمهن
عارف  
  0000-00-00 00:00:00   نفس الشيء هنا
انا ما بفهم شيء و قنواة النظام عم يضحكوا علي و لما تحكي انه القناة الروسية او غيرها عندهم نفس التقارير و الاخبار يقولك اللي يشتغلوا فيها تابعين للنظام . انا بقول اني بعرف شو اللي عم يصير و بعرف مين وراه .و ان شاء الله سوريا و شعبها و قائدها دائما بألف خير و يفظلوا شوكة في حلقهم. بقول الكلاب تنبح و القافلة تسير اللهم ارحم كل شهداء الوطن من المدنيين و العسكريين.
ثلجية  
  0000-00-00 00:00:00   
الله يحميكي يا سوريا الله يحميكي ويرد عنك ولاد الحرام بجاه رب العالمين.
نورا..  
  0000-00-00 00:00:00   
كلام رائع بالفعل ما بيفكروا بس بالأيام يلي عاشوها بسوريا بمدرستن بحارتن بكل شي إلوا ذكريات هدول وحوش ما فيهم إحساس أبداً.
كنان..  
  0000-00-00 00:00:00   
ما في بيرجع متل ما كان خربوا كتير وعملوا كتير ولازم ينحطلهم حد حتى ما يتابعوا بالخراب.
رماح..  
  0000-00-00 00:00:00   
والله هاد الكلام بيخلي الكافر يرد عن كفروا بالفعل يا جهلة ما في متل الوطن وما في بيرجع متل ما كان افهموا واصحوا بقا.
دارين..  
  0000-00-00 00:00:00   _
هذه سوريا الاسد لكل من يحاول أن يتطاول عليها لن ندعكم تسرحون وتمرحون بعد الآن .
باسل  
  0000-00-00 00:00:00   _
سننتهي منكم عما قريب ياأولاد العفن والزنى .
مجد  
  0000-00-00 00:00:00   _
بالنهاية والله لن يصح إلا الصحيح والحقيقة صارت واضحة للمجيع واللي بدو مابفهم يضل حمار يركبو لي رايح والجاية أغبياء .
مضر  
  0000-00-00 00:00:00   _
خسئتم ياأهل الشعوذة والنفاق لن تنالوا مبتاغكم الصهيوني الامبريالي الحقير مادام جنود الاسد موجودين على الأرض .
جندي الاسد  
  0000-00-00 00:00:00   _
الشي الوحيد الذي يخيفهم ويغيظهم في نفس الوثت إننا متماسكون ومؤمنون أننا سننتصر عليهم مهما كلفنا هذا من شهداء أكثر .
الليث  
  0000-00-00 00:00:00   _
صاير فيون متل لي كذب الكذبة وصدقا ومشي فيا ياحرام هدول كتير بيزعلوا مريضين نفسياً وجسمياً كمان .
محسن  
  0000-00-00 00:00:00   _
هم يعرفون كل مايجري من حولهم من المؤامرة الكبيرة التي يستهدفون بها سوريا لأنها المخطط المقاوم والممانع الأول في وجه حلمهم الصهيو أمريكي .
لينا  
  0000-00-00 00:00:00   صابرون مهما حصل
وصفك رائع بكل كلمة من كلماته البسيطة التي تدخل القلب بدون استئذان لقد اصبت بكل تعبير ورويت شرايين قلبي ، فعلا انه أحمق من لم يفهم ماذا يدور حولنا من مؤامرات انه احمق ، وصدقيني لن يفهم يوماً، ولكن بالمقابل هناك الكثير الكثير من يخاف على شامنا مثلي ومثلك والحمد لله لم يتوه رأيهم ابدا ضمن هذه الدوامة القاتلة ، والله يحميك يا بلدنا سوريا وينصرك على كل من يفكر بك سوءاً كائنا من كان
شامية  
  0000-00-00 00:00:00   الغربة
نفس الذي يحصل معكي وانا معي حاصل انا من 22سنة في الدنمارك وانا فلسطنة عربية سورية ولدت وترعرت فيها وصدقاتي كانوا من ورد مدن سوريا لم نكن نحس في هذه الصفات الطائفية المقيتة ومن اول الازمة وانا اتناقش وادافع واحكي واكلب ان يقرأو ويتابعوا وانها موامرة على العرب وخاصة سوريا اذا قلت لم اتفرج القنوات المغرضة يقول اتن مع النظام ولكن هوقنوات طرف في هذه الحرب اصبح هم كذابين واكره الدين الاسلامي والتكرف مع اني اصلي ومثل دين اهلنا زمان يقولوا عنك كافر وتسألهم اذا امريكا والصهيونية تعمل كذا يخرسوا الجهل يسسطر ونحن حبنا يسوريا ونرى الصورة جيدا انا ابدا لم اكن حزبية ولكن كتن اعمل واعيش بكل محبة والله ابدا مارمي حجر في البئر الذي شربت منه وانا من اول يوم اصلي ركعتين لربي لعودة الامان والنصر انا اناقش وادافع ولااخاف مع عرب ودنمركين ربما البعض يقول انت لست سوريا ولكن انا عربية فلسطينة سورية واذا بئة ضلة تمثل نفسها لسيطرة الدين الاسامي عليهم وصدقوني نحن اكثر عراقين ولبنانين وفلسطنين ندعي وندافع ولانخاف الا من الله والكل ينتظر تخسن الحالة حتى نأتي وعلى فكرة من امنتع متابعة القنوات المغرضة بدى يقتنع اما من بدهم لايقنتعون هم متابعين الخنزيرة من القلب ندعي الله يحفظ زينصر سوريا وتظل شوكة في اعينهم وهذا من قلبنا لااحد يفرض علينا شيءالنصر المبين لثالوث سوريا
phatimeh fares  
  0000-00-00 00:00:00   الله محيي أصلك
يسلم تمك، عميان القلب كتار بدون يخربوا البلد وهنن حثالة وخونة ما بيلبقلن غير الإعدام على الماشي هنن وأهلن والبئية الحاضنة تبعن، انشالله تقوم البلد من أزمتها بسرعة، ما بقا بدنا شهداء، حرااااام ...
الوردة الشامية  
  0000-00-00 00:00:00   الله محييكي
كلام جميل دقيق لوصف الواقع المرّ..... ويا للمفارقات
عاطف  
هل ترغب في التعليق على الموضوع ؟
ملاحظة : جميع التعليقات المنشورة تعبر عن رأي أصحابها ولا علاقة لموقع دام برس الإخباري بمحتواها
الاسم الكامل : *
المدينة :
عنوان التعليق : *
التعليق : *
*
   
Copyright © dampress.net - All rights reserved 2022
Powered by Ten-neT.biz