دام برس
هكذا يتعامل العالم الذي يريد الأذى بنا مع أزمتنا ، أدن من طين موجهة لتسمع منا وبما أنها من طين فإنها لاتسمع شي وإذن مفتوحة ستريو تلتقط دبة النملة في أصفر حارة في أصغر ضيعة في أقصى سورية ....لتسمع هتاف 10 اشخاص طلعو مظاهرة تنادي باسقاط النظام .. حوار الطرشان بيننا وبين العالم ... بيقولو مدبحة ..منقلهن تحقيق .بيصرخو بصوت واحد : اطردوا السفرا .. منقلهن فيه شهود ..بيقولو الجيش .. ياجماعة .. ليشم ماعم تسمعو .. .ليش !!؟ عم تسألوني ليش ..!!؟ لأن ببساطة لابدهن يسمعو ولابدهن يفهمو ...كمان عم تسألو ليش !!!؟
إنو من أول الربيع العربي ..تعاطفنا مع إخواننا التونسيين وهللنا مع الليبيين لنيل حريتهم وكنا حاضرين مع شباب مصر في التحرير وغنينا معهن عشان خاطرك يامصر ... وصرخنا مع اليمنيين إرحل ... إرحل ... لكن والله ولامرة قلت لا للتونسي شيل هاد وحط هاد ..ولا دعيت على واحد ولا حكيت شيلو الإخوان حطو العلمانيين .. لأ السلفيين .. ولا حطيت دعاوي على حسني مبارك ... كل واحد بيعرف شوعندو جوا ... متل مابيقولو البيوت أسرار .. انا بكتفي بتأييد ماتريده الشعوب وبس واتمنى لهم الخير والتوفيق ...وهون ... بينتهي تأييدي ..الشعب السوري طلع بالملايين ..ملأ الساحات .. هتافاته شقت عنان السماء .. أيدو .. وساعدو ..وقاللو بدنا اصلاح بس مابدنا خراب البلد .. قولتكن هدول مو سوريين !!
هون بيجي السؤال المهم ... ليش كل واحد بالعالم العربي عطى حالو حق التدخل فينا .. واحد بيحط خطط وبينصح بدو يساعد الثورة كيف ممكن تخرب البلد بأسرع وانجح وقت ..وواحد ..بيشجع وبيحمس الفورة ... واللي ماإلو علاقة بشي اكتفى بالدعاء بس شو دعاوي ..من العيار التقيل وفوقها بيطلبو منك تنشرها لتلف الكرة الأرضية بركي الله بيستجيب وبينصر الفورة .. طيب ونحنا ... !! مالنا رأي مثلا !!؟ كل اللي عملو الشعب السوري بملايينه المؤيدة ..بالساحات وبالشوارع وبكل بلاد العالم ... ليش ماقدر يغطي على مظاهرات هزيلة هون وهون ..ليش ماقدر يقنع العالم إنو نحنا الشعب السوري مو الفورة .. مؤتمرات ومجالس العالم كلو بيعرف إنها فاشلة ... بتركيبتها ..فاشلة بإنها مكروهة من الشعب ..قال شو !! اصدقاء سوريا .. ممكن تخبروني عن أي سورية عم تحكو !!!؟ اللي بيضحك إنو الكل بيعرف ... قلنا في مسلحين ماصدقو ..بعدين رجعو اعترفو .. بس شو اعتراف هزيل بالغصب ..قلنا في قاعدة ماصدقو ورجعو اعترفو .. وآخرتها وكملتها مذبحة الحولة ... كل اللي حكته سوريا وكل اللي حللوه الناس اللي بتفهم بالسياسة والناس اللي مابتفهم بس في براسها ذرة عقل .. كلو راح بالزبالة ... لأ ..أبدا .. إلا النظام السوري هو اللي عملها ... ياجماعة روقو ..طيب روسيا طلبت تحقيق والحكومة عم تعمل تحقيق .. روقو لتطلع نتيجة التحقيق بعدين بلشولي حملة الطرد لدبلوماسيينا .. ياجماعة شغلو عقلكن شوي بس .. بس تذكرو إنو هاد اسلوب اللي صار في الجزائر بالتسعينيات دبح بالسكين ... ترتفع الأيدي في وجوهنا أبدا .. الجيش هو اللي عاملها .. يعني لو منأدن بمالطة ولو منجيب اللي دبح وبيعترف ومنلزفو بوشهن .. رح يقولو ..أبدا .. كذب .. هادا واحد لزقتلو الحكومة التهمة لتبري حالها ... ولك حتى شهادة السيدة اللي قالت هجمو مسلحين عالضيعة مانفعت ولا حدا شالها من أرضها .. إي يعدمنياكن على هالتياسة ...طيب شو نعمل ...!! بتعرفو ... وصلت لنتيجة ..اللي بدو يصدق يصدق واللي مابدو انشالله عمرو مايصدق .. وسورية الله حاميها ،
شامية في الغربة