Logo Dampress

آخر تحديث : الجمعة 29 آذار 2024   الساعة 14:36:32
دام برس : http://alsham-univ.sy/
دام برس : http://www.
ترامب وأردوغان : آه ياحنااان.. السوريون ماأثّر فيهم الحرمان
دام برس : دام برس | ترامب وأردوغان : آه ياحنااان.. السوريون ماأثّر فيهم الحرمان

دام برس-هاني حيدر:
يقال أن ترامب أصبح أسير الأحزان في الفترة الأخيرة وبات في كل حين يغني "آه ياحنااااان، السوريون ماأثر فيهم الحرمان" .
ويقال أيضاً أنه في أخر ظهور له كان يندب حظه أمام أردوغان ويقول"ولك علقناهن ببعضن لمدة ٨ سنين وضلو صامدين، ضربناهن بالكيماوي اشتروا كمامات وتصوروا فيها، قصفناهن بالصواريخ طلعوا ع السطوح وصاروا يصفروا ويزلغطوا ويصوروا، قلنا مافي غير حل أخير ونهائي ممكن نعمل فيه فتنة بين الشعب والحكومة والحل هوي الحصار الاقتصادي وحرمناهم من البنزين "
هنا وقف أردوغان وصاح بأعلا صوته "أكيد علقت حرب بين الشعب والحكومة لأن كلنا منعرف إنو السوريين عايشين ع البنزين".
التقط ترامب كأس ماء وشرب نصفه، وأخذ منديلاً من جيبه ليمسح دموعه التي بدأت بالنزول، ثم انتفض وقال" ولك يازلمة جننوني، انقطع البنزين وصارت العالم تصف ع الكازيات وطوابيييير سيارات تكاسي وسرافيس وباصات حكومي وغير وحكومي كلو بدو يعبي بنزين، وصارت الحكومة تخفض من عدد المخصصات لكل سيارة وبلشت العالم تضوج من هالوضع".


جلس ترامب وأكمل كأسه، حينها قال له أردوغان"أي تمام شو بدنا أحسن من هيك بكرا العالم مابقا تتحمل وبيعلقوا ببعضم"
ضحك ترامب بأعلى صوته وقال"ولك شو يتحملوا ومايتحملوا، ولك أول يوم صاروا يجيبوا معهن أكل وسندويش قلنا معليش لأن عم يوقفوا ساعات طويلة بيجوعوا، بعدين صاروا يجيبوا أراكيل وشاي ومتة ويجتمعوا ويقعدوا عند سياراتن وكأنن سيران بالربوة، لا والأكتر من هيك صاروا يقعدوا ع السيارات ويلعبوا تركس ولك تركس ياأردوغان تركس عم يلعبوا ع السيارات وكأنوا مابدهن هالحصار يخلص".
هنا وقف أردوغان وقال"ولك تركس وأركيلة ع دور البانزين يالله شو هالشعب هاد".
رد ترامب"خيو هاد الشعب يللي إذا أراد الحياة لابد أن يستجيب القدر له، لأنه حتى اللي ماعم يعبي بنزين ومو واقف ع الدور، قاعد ببيتو وعم يتمسخر ع الوضع ع مواقع التواصل وكأنو شي روتيني عندن".
قال أردوغان:" شو عم يتمسخروا وكيف يعني".


ترامب:" عم ينزلوا صور للسيارات والكازيات وعم يضحكوا ع الوضع، لا لا والأحلى من هيك واحد بينزل بوست لحبيبتو وبيقلا بحبك ع قد مافي سيارات ع الكازية عم تعبي بانزين، ولك والله جننونا"
أردوغان:" والله شي بيجنن، واذا ضل هالشعب هيك أخرتنا أنا وإياك ع العصفورية لأن هالشعب صامد ورح يضل طول عمرو صامد".
ترامب:"اخي أردوغان شغلي غنية لاي لاي واحكيلي مع الجوكر يعطينا شوية نصائح".

اقرأ أيضا ...
تعليقات حول الموضوع
  2019-04-18 09:30:51   كلاب الغوطة الباقين
كلاب الغوطة الباقين لازمهم تأديب مع جماعة داريا اوسخ ارهابيين - ما زالوا يخططوا و يتىمرون مع تركيا و النصرة - يجب اعتقال العشرات منهم شهريا و اعدامهم و لا تعطوا جثثهم لاحد - افعلوا مثل الصين تعدم ارهابيي الايغور و يستفيدون من الجثث لمن يحتاج تبديل كلية او قلب - شوفوا اولاد الشهداء ممن يحتاجون
كلاب الغوطة الباقين  
هل ترغب في التعليق على الموضوع ؟
ملاحظة : جميع التعليقات المنشورة تعبر عن رأي أصحابها ولا علاقة لموقع دام برس الإخباري بمحتواها
الاسم الكامل : *
المدينة :
عنوان التعليق : *
التعليق : *
*
   
دام برس : http://sia.gov.sy/
دام برس : https://www.facebook.com/Syrian.Ministry.Culture/

فيديو دام برس

الأرشيف
Copyright © dampress.net - All rights reserved 2024
Powered by Ten-neT.biz