دام برس:

قالت السيدة أسماء الأسد خلال استقبالها أمهات من حلب في عيد الأم : رح يكتب التاريخ كيف يوم ورا يوم الضو عم يطلع من قوة أهل الشهداء، من وجع جرح الجريح، من صمود أم المفقود، ومن لهفة أم المخطوف يلي رجعلها ابنها بعد غياب طويل .

وأضافت : كل عمرنا علّمونا انو التاريخ بيكتبوه الأقوياء، لكن بـ #سورية التاريخ عم يكتبه الحقّ، والحقّ حبره دم، دم السوريين كلون، والدّم غالي وما بيكتب إلا للحقّ وبالحقّ.

وقالت الأسد : كل أم أصرّت تبقى ببيتها رغم قذائف الإرهاب، ومدافع جهنم، وثبتت وضلّت متمسكة بتراب حلب، كانت سلاح بإيد الجندي.. كل أم حملت ميّ على ضهرها ليشربوا ولادها وياكلوا وضلّت صامدة وبعتت ولادها عالمدرسة وعالجامعة رغم الخوف والخطر، كانت طلقة ببارودة كل جندي.. كل أم تحمّلت إرهابهم وضلّت ببيتها بالمناطق يلي كانوا محتلينها كانت منارة لكل جندي ليدخل وينقذها.

وأضافت : إذا قدرنا، رغم كل يلي صار ويلي تعرضناله، قدرنا نثبت ونصمد فلأنو نحنا تربينا على ريحة تراب هالارض، تربينا نحمي بلدنا بالدّم وبالروح وأنو كلّنا أهل وجيران، تربينا ما نعتدي.. بس إذا حدا اعتدى علينا ندافع ونقاوم ونقاتل.