دام برس:
هالوطن كان لمسة أمل لكل فقدان الامل ولكنهم عملوا جهدهم يفقدوا الامل بعيون السوريين.. عملوا جهدهم ليكون مصدر لقطع أمل بكل أمن وأمان وفرح وبهجة وسرور بأي عيد ممكن يهجم عهالوطن.............

هالوطن كان وطن كل من لم يجد وطناً له كان ملاذ آمن لكل انسان شريف ومرفوض من الاوطان الاخرى ولكن هللأ عملوا هالوطن فزاعة لكل العالم بل عملوه مقبرة كل من يريد ان يشعر بالامان................

هالوطن كان عروسة الشرق وكان الكل يحلف ويقول انو كان أأمن مكان لكل انسان من كل ارهاب ولكن هللأ اغتصبوا الارهابيين كل عروس عم تحضر حالا لتكون عروسة الشام بليلة زفافها.............

هالوطن كان من شمالو لجنوبو ومن شرقو لغربو كان يلعب ويركض متل الطفل الزغير الفرحان بلعبتو الجديدة بوقت السياحة فيه كان الكل يغنجوا وكأنو هو الطفل والعالم من حولو كبار بس هللأ عملوا سياحة لإرهابيين عاثوا فساداً بالديار قاصدين بهيك حور عيون تسبح في أنهار آل سعود الانجاس.........

هالوطن كانت فيروز تشتاق تغنيلو كل يوم الصبح أحلى شام انت المجد لم يغبِ وهللأ فيروز سكتت وسكت صوتا وسكَّتوا صوت صباح فيروز بهالوطن.............

هالوطن كانت تشتاق الطيور تغرِّد لكل صبح يطلع فيه على عيطة من هون وصرخة من هونيك من اهالي الاحياء اللي فيه وهللأ صارت هالطيور بتخاف تغرد تا ما تسمعا العصابات وتقوصا لأنهم مجرمين كتير حتى على الطبيعة............ليش ؟ قأل حرام التغريد...

هالوطن كانت جبالوا تحن لبحرو لما ترمي بضبابها الى ابعد مدى على بحره لتكون منظر سبحان الخالق ما احلاه وهللأ جبال هالوطن صارت بتزأر لأنها صارت مراتع لعصابات بدها تهدم كل صخرة وكل عشبة وتسرق فرحة كل جمال بهالجبال....

هالوطن زيتونو العتيق كان يشتاق لأهل الارض تجي بكل سنة تقطقو ويسمع غنيات النسوان احلى اغاني الضيعة اللي تعود هالزيتون متل كل سنة من آلاف السنين يسمعا بكل الالحان وااللغات اللي مرت على مر الزمن على هالوطن ولكن هللأ راحت البهجة وصارت العالم تقطف الزيتون خطف بخطف تا ترجع لبيوتا آمنة..هادا إذا صرلون يوصلوا ع كَرْم الزيتون...

هالوطن حكاية عملوا جهدهم تكون منسية ولكن وسييبقى هالوطن معطر بعطر اشجار الزيتون العتيق التي ترتوي بماء مطر مزج بحب كل السوريين ليقطفوه ويقدموه على طبق حكاية محبة وعشق لوطن لن ننساه ولن نغفر لمن أراد ان يقتلع زيتونه وحبه وعشقه من قلوبنا....

وتستمر حكايتك يا وطن  قصيدة عشق مكتوبة ع جبين كل انسان اختارك انك تكون تبيتو وملاذو الآمن...........
وتستمر حكايتك يا وطن حكاية فخر وعز تُنسَجُ من خيوط أكفان الشهداء مُعَمَّدة بدمائهم الطاهرة ليكون ذكرى حكاية تروى عبر الأزمان ،أنه ومن هذا النسيج الاستشهادي الطاهر المزين بشقائق نعمان تفخر انها نبتت على اضرحتهم بُنِيَ وطن أقوى وأشد تماسكاً مما كان..............

هكذا هي أثمان حرية الأوطان عزم فتصميم فتزواج بين دماء ابنائه وترابه فشقائق نعمان تنبت على اراضيه فربيع يلفح عبقه وجوه من عشقوا تلك الاوطان ليطبع على جبينهم "سنبقى" و على جبين المعتدين  "لن تعبروا" على أرضنا ..
وتستمر حكايتك يا وطني.............حكاية وطن لمن لا وطن له....

صفحتنا على الفيس بوك
المغتربون السوريون في السويد
https://www.facebook.com/S.P.S.20.111
وصفحات اخرى رديفة
https://www.facebook.com/labwaalassad.mirnaali
https://www.facebook.com/zaynalizaynali