دام برس:
هيدي الحكاية حكاية وطن كان عايش بأمان ووئام وحب بين كل ابنائه ولكن عيون غربان الشؤم أبت إلا ان تمسح عن جبينو الامان وتنشر الخوف والذعر بين اهلو واطفالو اللي كانو عايشين بأمان...

بهالوطن كانت الأم تعمل جهدا  تخلص شغل البيت لأنّا يمكن ماتلحق كل شي بسبب وظيفتا وبسبب تلبية طلبات عيلتا بس هللأ تفرقت العيلة والاولاد وتشتتت بين هون وهون ويمكن ما ضل من هالعيلة إلا ابن او بنت أو أم وحدا عم تحصد الاحزان على عيلتا اللي كانت بيوم من الايام ملاية عليّا حياتا....

وكان بهالوطن طفل ينام وهو على موعد مع يوم جديد مابيعرف عنو شي بس هو بيعرف إنو مش لازم شي يحزن كرمالو لأنو باعتقادو هو هيك مفكر خلق بس للفرح ..بس تختو ماعاد موجود لهالولد لأنو صار بين انقاض دمارويمكن كمان هالطفل هو وأهلوا ماعادوا موجودين بهالدني بسبب نزوة حلم بحور عين الغربان بجنة الشؤم اللي صنعها لهم العربان..............

و بهالوطن كانت صبية تمشط شعراتا عغنية لفيروز الصبح عملت جهدا انها تلحق تمكيج حالا وتصير عآخر طرز قبل ما تروح عالجامعة وتلتقي بأغلى اصدقائها وأكيد هالجمال لازم يشوفوا حبيبا اللي ناطرا واللي بتعرف انو بيحبا بس لِسّا مااعترف بحبوإلْهاإلا لهلّلأ ولكنّو  اعترف بحبو هللأ ولكن بعد فوات الأوان وبعد ما هالصبية الحلوة اللي كانوا يتغنوا بجمالا صارت ركام لحم بين اجساد تانيين تفجروا بميكرو باص وهي رايحة  بطريقها للجامعةأو خطفا الارهابيين وخطفوا ودفنوا بالتالي كل سعادة بأمل حياة حلوة كانت ناطرتا مع رفيق عمرا اللي كانت ناطرة يعترفلا بحبو إلها..

وكان بهالوطن شب يهندس حالو عآخر طرز كان مفكر حالو ماحدا أدّو وخاصة لما يساوي شعراتو ويصير يسب شمال ويمين حتى عالهوى لو نسم عشعراتو ونزعلو ياهون يسبّو..
بس هللأ الهوا اشتقلو واشتاق لصرختو بوشّو ومسباتو لأنو ماعاد يلتقي فيه وينزعلو شعراتو بتعرفوا ليش ؟لأنو وهو بطريقو لوظيفتو او للجامعة تعرض للاختطاف وبهيك قلعولوا مش بس شعراتو قلعو راسو عن جسمو و قلعوا زهرة شبابو وقلعوا فرحة قلب أمّو اللي كانت ناطرة تهندس هالشب حتى تجوزوا احلى وحدة بالضيعة وإذ صحي صار عريس بس عريس شهيد زغردت أموّ كتير بعودتو لما رجع مرة عالضيعة محمل على الاكتاف بأحلى زفة لعروستو سورية...

وكان بهالوطن أب كان كل همّو سعادة هالعيلة اللي كللا بنات( ترجى الله يبعتلو صبي بس ما الو نصيب بهالصبي ) وكان يعمل كل شي بيقدر عليه حتى يأمن كل شي لعيلتو ..السعادة والفرح والحب والوئام و ويعمل جهدو يربي بناتو على الفضيلة وبنفس الوقت يعمل جهدو يعلمهم ويصير هالبنات احلى عالم في المجتمع يرفع راسو فيّون ويجوزون بعدين وبتخلص مهمتو هون
راح هالأب بيوم من الايام رغم القذائف والقنص ولكنو كان مضطر حتى مايخللي حدا من بناتو يطلعو لبرا بسبب الخطف المتكرر للبنات من وحوش " الحرية الارهابية" ..طلع وحامل كفنو على ايدو .وهو عارف وعيلتو عارفة انو ممكن يرجع وممكن مايرجع ..وفعلاً مارجع لأنّو انخطف ورجعت عيلتو شافت جثتو مقطوع الراس مشلوح على الطريق بسبب انو من طائفة معينة ..
وصارت العيلة معرضة لكل شي مباح بفضل فتاوى جهاد النكاح وغيرا من جهاد الشهوات التي ابيحت وفرضت على الفتاة السورية بوقت كانت فتيات البلاد العربية تحلم تكون بمقام وشموخ وحضارة هالفتاة السورية..

وبالهوطن جنود وضباط كتير راحو عالخدمة العسكرية وكانوا كل إجازة ينزلوا زيارة لأهلهم وعيالهم وينبسطوا بشوفة احبابهم ولكن كتير منهم اليوم إما مخطوف أو مدبوح أو مصاب أو استشهد وهو عم يقاتل أعداء الحرية وبهيك انحرم الطفل الذي لسا بأحشاء عروس يشوف أبوه العسكري وانحرمت الطفلة لارا تنده يا بابا انا بحبك عالهاتف ناطرتك يا بابا شو رح تجيبلي معك يا بابا..وبهيك كل أم بهالوطن تزف شهيد ورا شهيد وتقول لهالوطن هل من مزيد؟..
هالوطن تعب كتير كتير..وشو بدي خبر لخبر عن الوطن وهناك حكايات وحكايات وولو عشنا عمر مش ممكن نوفي حقا في االاخبار عنها
وبكمل بعدين لأن حكاية وطني بلشت لما الكل حاول يتآمر عليه ومش ممكن تخلص هالحكاية هون حتى نكمل المشوار سوا...

بكمل بعدين مش لأني مش قادرة كمِّل ولكن غصة الدمعة على وطني منعتني من الكلام وبالتالي حاسة بشلل ينتاب اصابعي لمجرد النقر للكتابة حزناً على وطني ولكن مش رح تفرحوا يا اعداء وطني ...........لا لا مش نحنا اللي مننشل ولا نحنا اللي منموت ولو متنا فهناك مين يكمل الطريق بدلاً عنا شعراً وكتابة وموقفاً وعزماً وارادة ومقاومة جيشاً وشعباً وقائداً ووطن كلهم مستعدين يكملوا المشوار مع هالوطن الجريح حتى يقوم متعافى احلى من الاول كما طائر الفينين اللي دايماً تعودنا عليه يْقوم من تحت الرماد والموت من بعد مانفكر انو خلص مات وكذلك وطني لا يموت كما لن تموت اسطورة طائر الفينين أنه من رحم الموت تولد المعجزات للحياة
وبهيك كل مرة تبدأ حكايتك يا وطن من حيث ينتهي الآخرون
يتبع
صفحتنا على الفيس بوك
المغتربون السوريون في السويد
https://www.facebook.com/S.P.S.20.111
وصفحات اخرى رديفة
https://www.facebook.com/labwaalassad.mirnaali
https://www.facebook.com/zaynalizaynali