Logo Dampress

آخر تحديث : الأحد 22 أيلول 2019   الساعة 08:54:57
دام برس : https://www.facebook.com/MTNSY/posts/2396094137092306
دام برس : http://www.
دام برس : http://alsham-univ.sy/
دام برس : http://www.alpha-syria.com/ar/products/medicines/13/%D8%A3%D9%84%D9%81%D8%A7%D8%B3%D8%AA%D8%A7%D8%AA
أتعهد بأنو بس تخلص الأزمة بسورية ونرجع نعيش بأمان ما رح أعطي الشرطي رشوة ومارح نق و سق ومارح ووو

دام برس - من مغتربة تعشق تراب سورية

أتعهد بأنو بس تخلص الأزمة و نرجع نعيش بأمان ..
    • ما رح أتأفف من العيشة بسوريا و قديش الحياة صايرة ملل و بتضيق الخلاق
    • ما رح أقلب خلقتي بس مر من حارة و تهاجم أنفي رائحة السياقات المخلوطة بريحة شجرة ياسمين مصطهجة بهالسماد
    • ما رح سب و ألعن سلسفيل جدو لسواق الميكرو يللي كسر علي من حيث لا أدري .
    • ما رح قول يا عمي أي هديك بلد و هي بلد .. شو جاب لجاب
    • ما رح قول .. يا عمي و الله نحنا شعب بجم و بحياتنا ما بنصير بني آدمين
    • ما رح نق من كتر الشوب بالصيف و سقعة البرد بالشتي
    • ما رح سب على بياع الغاز يللي بيلعلع صوتو من  الصبح و هو عم يطرطق عالقنينة و ينادي غاز غاز
    • ما رح أتأفف من سواق التكسي يللي معلي صوت المسجلة عالآخر و مغطي العداد بمخدة صعيرة
    • ما رح ضل أتساءل ليش بأوروبا و الدول المتقدمة ما عندن دبان قد ما في عنا
    • ما رح أتأفف من العجقة و سواقة النسوان و الختايرة و الشباب الطايش
    • ما رح أعطي الشرطي رشوة و أنا عم قلو بقلبي تصرفن على عافيتك
    • ما رح نق و سق من أنو ما في تسلاية بالبلد غير روحة المطاعم
    • ما رح أتضايق من قطع الكهربا لمدة ساعتين بس
    • ما رح ألعن الساعة اللي بلشو فيها قطع المي بعد الساعة 11 و أنا راكضة للحق وجبة الغسيل الصبح
    • ما رح أقلب خلقتي و أنا ماشية بالشارع و كأنو كان في حدا مارق من شوي قبلي و ذكريات رائحة عرقو علقانة بالهوا و أنا عم أستنشقها
    • ما رح أنتقد وساخة شعبنا الجسدية و أتفلسف و قول .. يا عمي المي ببلاش و الصابونة بخمس ليرات ليش الناس ما عم تتحمم ؟؟
    • ما رح قول .. يا سيدي صايرة العيشة بالبلد بتطقق
    لأنو العيشة ببلدنا ما بتطقق .. بلدنا أحلى بلد بالعالم .. بعجرها و بجرها .. و بسذاجتها و أخطاءها .. بشرشحتها و أناقتها .. ما بدي عيش بمكان تاني .. اتعهدوا متلي .. بركي بترجعلنا .. بركي بتبطل زعلانة منا .. بركي بتحن علينا بعد ما قسينا كل هالوقت عليها .. بركي بتصدق قديش بنحبها و قديش ما فينا نعيش بدونها ..
Envoyé de mon iPhone
 

اقرأ أيضا ...
تعليقات حول الموضوع
  0000-00-00 00:00:00   محمد كامل قطان مدير المركز الثقافي السوري في مدريد
الفاسد والسارق والمرتشي مدير المركز الثقافي السوري في اسبانيا محمد كامل قطان ابن عزيزه لم يحاسب ولم يعاقب ولم يحول الى لجنه الرقابه والتفتيش لماذا ؟؟؟؟؟؟؟؟؟؟؟
هيام  
  0000-00-00 00:00:00   سوريا
اقسم بالله انو الشعب السوري عندو سوريا بالدنيا كلها برفع راسي لمابقرأ التعليقات ماشفت حدا بحب بلدو متل مابيحبو السوريين بلدهم بحبك سوريا
مهند  
  0000-00-00 00:00:00   الفاسدون
ما ذكر عن السيد كامل قطان مدير المركز الثقافي السوري في مدريد صحيح وقد أكده الموظفين في المركز والتحرشات الجنسية أيضا" صحيحة لكن من يحاسب
مواطن غير فاسد  
  0000-00-00 00:00:00   حاربو الفساد
لا تنسو أن تحاربو الفساد أيضا" فهو سبب كل مشاكلنا الفساد والمحسوبيات تخيلو أن مدير المركز الثقافي السوري في مدريد كامل قطان معاشه مليون ليرة في الشهر و مع ذالك يسرق ويزور فواتير أكثر 2000يورو في الشهر وذالك عدا التحرشات الجنسية للموظفات ثم وبكل استخفاف يحدثك عن محاربة الفساد
أمان  
  0000-00-00 00:00:00   الأمان الأمان الأمان
كانت سوريا البلد الأكثر أماناً في العالم ، و الآن أصبح الجار يخاف من جاره و الطالب يخاف من زميله و الموظف يتوجس من زميله في العمل و يكرهه فقط لأنه...........، أنا مستعد عيش بتقشف بس يرجع جاري يقلي صباح الخير و هو مبتسم و زميلي بالعمل ما يخاف مني و لا أنا خاف منو ، و أقدر ابعت ولادي عالمدرسة و أنا مطمئن بأنو مارح ينخطفوا.
hassan  
  0000-00-00 00:00:00   حلوة يا بلدي
كلمة حلوة وكلمتين حلوة يا بلدي غنوة حلوة وغنوتين حلوة يا بلديحلمي دايما كان يا بلدي اني ابقى معاكي يا بلدي وافضل انا وياكي على طول
عاشق الوطن  
  0000-00-00 00:00:00   سوريا
اعتز اني سوري اعشق جنستي اعشق هوا بلدي اعشق ريحة التراب اعشق كل ثانية عشت ببلدي سوريا
ابو احمد  
  0000-00-00 00:00:00   آآآآآآآآآآآآآآآآآآآه شو مشتااااااااااااق
يارب يا من تسمعنا اجب دعائنا في هذه الليلة المباركة اللهم اذهب عنا غضبك ومقتك ولا تؤاخذنا بما فعل السفهاء منا واحمي بلدي سوريـــــــــــــــــــــا من كل عدو اللهم من اراد بها او بأي شخص من اهلها سوء فأشغله في نفسه ....أأأمين يارب العالمين .ويلي بيحب سوريــــــــــــــــــــــــــــــا يقول أأأأأأأأأأاامين
مغترب  
  0000-00-00 00:00:00   آآآآآمين يارب العالمين
روحي يا شيخه ربي يسمع منك ويخلص بلدنا من هالمشاكل ويغنيننا عن الغربة لانو والله الغربة ..........................................آآآآآآآآآآآآآآآآآآآه من الغربه ما بيعرف معناها الا يلي جربهاااااااااااااا............ يارب يا بديع السموات والارض ارحمنا وخلص بلدنا سوريـــــــــــــــــا من اي مشاكل وانصرنا على من عادانا ... يامجيب الدعاء استجب دعائناااااااااااا آآآآمين آآآآآمين آآآآآمين يارب العالمين
مغترب بالسعودية  
  0000-00-00 00:00:00   سوريا امن الحنون
اختي المواطنه الله يحميكي ان عشت الغربه في اوروبا 6 سنوات الدراسه وعند الانتهاء لم استطع الانتظار وعدت الى سوريا لان سوريا هي الروح سوريا هي الام الحنون على كل ابنائها هي ام الدنيا كل مافي الكون ابتدأ من سوريا حتى اوروبا اخذت اسمها من اسطوره سوريه ولتعلمي يااختي السوريه الحره ان من شرب من ماء سوريا وتنشق هواؤها لايمكن الا ان يكون حرا مؤمنا بسوريا مضحيا في سبيل عزتها وكرامتها نحن السوريون من يعطي الدروس وباختصار اختي اقول لك بان ماذكرتيه من سلبيات كان البعض يشتكي منها ارى فيها الجمال الفعلي لسوريا ومن الممكن اذا فقدناها نفتقد لها فانا لااستيطع السكن في مكان لااسمع فيه صوت بائع المازوت وصوت بائع الغاز وبائع السحلب والبندوره والليمون وما اليه انها ياختي سبمفونية الوطن الحبيب سوريا فلنصلي جميعا لاجل أمنها وسلامتها ولنقف صفا واحدا لدرء الاخطار عنها ولتعش سوريا حره ابيه وبنقول لها بنحبك ياأمنا ياسوريا ا
ابو حلب  
  0000-00-00 00:00:00   سورية
سورية ياحبيتي ياأغلى وأحلى وأطيب الكل ياعمري إنت ياروحي ياقلبي ياكبدي إنت الغالية ومافي حدا بغلاك إنت عيوني وروحي وأعلى من أمي ومن أبي ومن أولادي إنت الحياة والروح شو بدي قلك ياسورية ياعمري ...ياترى رح ترضي علينا وتسامحينا ؟؟؟ أكيد ،حن أولادك كلنا ويلي بيغلط الأم بتسامح ياعمري غلطوا فيك كثير وإنت الصابرة الحنونة الطيبة ياعمري ربي يحميك ويحمي ترابك وهواك وحجارك بعشقك سورية
ليلي  
  0000-00-00 00:00:00   سورية وبس
بحبك سورية والله يحميكي ويحمي رئيسنا الغالي بشار الأسد , وما بقول غير الله ينتقم من كل من كان السبب بخرابك يا قطعة من القلب
بنت درعا  
  0000-00-00 00:00:00   ارض السلام
لاحلى بلد واحلى ام واغلى ارض انشالله بترجعي اقوى واحلى واعظم من اول يا ست الكل سوريه امنا واكيد ما حدا ما بحب امو الله يحميكي من كل شر وينصرك ويعزك يا سوريه والله اشتقتلك
هنادي  
  0000-00-00 00:00:00   عين وصابتك ياسورية حسدوك على امانك وجمالك وسهراتك
لم يكن يعرف المرء الخوف ليلا سهر في الشوارع حتى الصباح والان يخاف شعبها من ان ينظروا من البلكون انتقم الله من اعداء سورية ونصرها عليهم
ام علي  
  0000-00-00 00:00:00   سوريا ست الكل
ربي يخليكي يا احلى بلد بالعالم و يبعد عنك المندسين وولاد الحرام لانو بيكفي الخراب يللي عملوه ببلدنا
ابو صهيب الدرعاوي  
  0000-00-00 00:00:00   
هي أزمة وبتمر بإذن الله رح ترجع سوريا جنة متل ما كانت وأحسن بالرغم من كل عيوب البعض من الشعب.
علياء..  
  0000-00-00 00:00:00   
إي والله مستعدين نتحمل كل شي بس نرجع متل ما كنا.
سارة..  
  0000-00-00 00:00:00   
سوريا بلد الامن والعطاء والخير كانت وستبقى مهما تأففنا ومهما قلنا.
عبير..  
  0000-00-00 00:00:00   لا تعرف قيمته حتى تفقده
سوريا رغم كل الفوضى هى من اجمل البلدان وانشاء الله ستعود بامان وبسواعد ابناء سوريا تبنى بمحبة واجمل
مغترب من 33 سنة  
  0000-00-00 00:00:00   صراحة
جميل ان يكون الانسان متجاوبا مع نفسة ويوجه النقد البناء وتفعيل النفس اللوامة. تعهد رائع وانا اشاركك الامل ... واتعهد.
رنا  
  0000-00-00 00:00:00   مستغرب
السلام عليكم جميع عزيزتي المواطنه المغتربه سورية جنة الله في الارض والله مبارك فيها رغم كل الفساد الي انوجد مع ضعاف النفوس ونحنا ضد الفساد ومع انو نحنا كشعب نتحمل 70 من المسؤليه بس تشوفي البناني بينزل على الشام ويعبي سيارتو من الحمديه ومن كل شي حتى الخضار وتشوفي الاردن كمان بتعرفي انتي عايشه في نعمه في استلال وملاحظات نحنا مع العلم اقل بلد في الفساد ونتمنى انو نقضي عليه بس والله سورية جنه شعب طيب واصيل على قولت الشاعر؟ انا من حقي احب واعشق واهيم سورية فضه وذهب بترابها الله يعيد الامن والمحبه على بلدنا ويحببنا لبعض وتاكدي انو انشاء الله يحق الحق وشكرا للجميع
سوري مغترب  
  0000-00-00 00:00:00   سوريا حلوة
نعم انتم السوريون ما كنتم تعرفوا قيمة بلدكم سوريا ااجمل بلاد ويا ما احل عيشتها كنا نحسدكم على عيشتكم يا خسارة ولكن يا رب وان شاء ترجع احسن من قبل الله ينصركم على اعدائكم
سلام  
  0000-00-00 00:00:00   سورية
سورية يا حبيبتي... بلدنا جنة يا ناس..
عبير..  
  0000-00-00 00:00:00   ..
والله ما في أحلى من سورية ..سورية جنة يا رب تحميها وترجع متل أول يا رب..
زينة..  
  0000-00-00 00:00:00   ...
حلوة يا بلدي
هالة..  
  0000-00-00 00:00:00   ..
ما في أحلى من بلدنا ومن العيشة فيا.. بيكفي أنو عنا المواطن بعيش بكرامة ..
علا..  
هل ترغب في التعليق على الموضوع ؟
ملاحظة : جميع التعليقات المنشورة تعبر عن رأي أصحابها ولا علاقة لموقع دام برس الإخباري بمحتواها
الاسم الكامل : *
المدينة :
عنوان التعليق : *
التعليق : *
*
   
Copyright © dampress.net - All rights reserved 2019
Powered by Ten-neT.biz