Logo Dampress

آخر تحديث : الثلاثاء 07 نيسان 2020   الساعة 10:45:25
دام برس : https://www.facebook.com/MTNSY/photos/a.661964340505303/2689311887770528/?type3&amptheater
دام برس : http://www.
دام برس : http://alsham-univ.sy/
دام برس : http://www.alpha-syria.com/ar/products/medicines/13/%D8%A3%D9%84%D9%81%D8%A7%D8%B3%D8%AA%D8%A7%D8%AA
قصة ليلى والذئب على الطريقة الحمصية

دام برس
كان ياما كان في خارج الدولة والزمان في حمص .... أرسلت أم ليلى ابنتها ليلى حتى توصل بعض الطعام إلى جدتها في منطقة النازحين ... بالطريق شافها الذئب ... وسألها : وين رايحة يا ليلى ؟؟؟
أجابت ليلى : وأنت شو دخلك ولك بغل؟؟!! ... عأساس أنك آدمي ولحيتك شرعية لعند الركبة ... ما عندك بنات تخاف عليهن ... تفو ع شرفك عرعور كلب ... وضربته كف على وجهه وبزقت عليه كمان وتابعت طريقها ...
غضب الذئب وبشدة وقال لنفسه : أنا الذئب ضروب واطراح .. زعيم تنسيقية بحمص وناشط حقوقي ع الجزيرة تجي وحدة فصعونة ما بتطلع لعند ركبتي وزميرة للنظام تبهدلني هيك .... ماشي يا ليلى إذا ما بفشل حنكك (بفشل حنكك : أي يكسّر لها أسنانها )
ونادى الذئب أصدقائه من المستذئبين إلى الجهاد ,وطلع الذئب بسيارة للجيش الكر وخرطش(أي لقم) رشاش الدوشكا 500 ,وسلك طريق مختصر باتجاه البناء الذي تتواجد فيه جدة ليلى ودق الباب ,فسألت الجدة : مين بالباب ؟؟؟ أجاب الذئب : أنا أمن وبدي كاسة مي يا خالة ....
فتحت الجدة الباب بكل سرور فتفاجأت بالذئب ...
ضحك الذئب ضحكة شريرة ونظر باشمئزاز إلى جدة ليلى (نفس نظرة رايس)
وقال : العمى شو غبية مين ما قلك أنا أمن بتفتحيلو الباب ... العمى شلون بيقولو عنك ذكية وحربوئة ومربية أجيال ....
وع السريع اقتحم الذئب وزملاءه المستذئبين المنزل ليختطفو الجدة... وامسكوها وربطوها وقال الذئب : حاج تزعقي ختيارة الجن .... ورجيني شو بدو ينفعك الجيش ,وتمترس الذئب وزبانيته بالمنزل بانتظار ليلى .
وعندما وصلت ليلى وفتحت الباب تفاجأت برشقة رصاص وقذيفة آر بي جي .. كادت تقضي ع حياتها وعلى الفور اتخذت ليلى موقع دفاعي واستلت(شوفو الفصاحة) موبايلها واتصلت بأهلها ... وأهلها اتصلو بالأمن ... والأمن اتصل بالجيش ... والجيش ما اتصل بحدا بل على الفور شكل دورية مداهمة وتوجه إلى منزل جدة ليلى وبعد اشتباكات دامية تم قتل واسر بعض المستذئبين وتحرير جدة ليلى ... ثم قامت ليلى بشكر الجيش وعزميتهن ع الغدا .
وتوتة توتة خلصت الحدوتة ....
------------------------------
محمد حسن
شبكة ايميسا

اقرأ أيضا ...
تعليقات حول الموضوع
  0000-00-00 00:00:00   الله محيي الجيش
يارب تخلص سورية وأهلها الطيبين من هالمجرمين يللي هنون أبشع من الذئاب الله ينصر الجيش ويحميه ويسلمو إديك يا محمد حسن
حبيبة  
  0000-00-00 00:00:00   حقيقة المراجل
نحنا بنعلم الناس المرجلة والذي نسي أو مابيعرف يسأل من هم السوريون مامنقبل الذل ولا المهانة والذي يتهجم على الأعراض ما هو سوري والله حافظ وحامي سوريا ويسلم الجيش والشعب
أحمد محمد علي  
  0000-00-00 00:00:00   ليلى كمان تدخلت بحمص
لم يبقى صغير ولا كبير الا وتدخل بحمص حتى صرنا نعتفد ان أغلب أصحاب السباسة في العالم عمل شهر العسل بحمص وصار وقت الأزمة يصف ويتحدث عن أزقتها وزواريبها الرحمة للشهداء والله يحمي الجيش والأمن وكل الشرفاء بهذه البلدة وندغوا الله يحمي سوريا والأسد ويفرجها علينا
meral  
  0000-00-00 00:00:00   يسلم ايديك
يسلم ايديك وانشالله عن قريب بترجع سوريا القويه وبنخلص من كل هالذئاب وبترجع ليلى تروح عند جدتها بكل امان
سنا  
  0000-00-00 00:00:00   ؟
نشالله بترجع حمص أحسن من أول*
عبير*  
  0000-00-00 00:00:00   حلو
مقالة حلوة بس هدول مو ذئاب هدول كلاب جائعة مين ما زتلون عضمة بيركدوا لعندو
محمد**  
  0000-00-00 00:00:00   الواقع
هالمقالة بتحكي الواقع مو بس بحمص بكل سورية الله يلعنهم
مجد*  
  0000-00-00 00:00:00   جيشنا البطل
عقبال ما يخلصنا جيشنا البطل من كل الذئاب المفترسة *
زينب*  
  0000-00-00 00:00:00   !
لسا الجيش السوري رح يكسر أكبر راس*
مريم*  
  0000-00-00 00:00:00   _ اشتقنا للضحكة
نشا الله راح ترجع حمص قوية والضحكة ماتفارق وجه ساكنيها .
لبنى  
  0000-00-00 00:00:00   _
نشا الله بترجع حمص متل ماكانت وأحسن والله أشتقنا للنكت الحمصية المشهورة .
فادي  
  0000-00-00 00:00:00   _ ولعيونك ياليلى
نشا الله الجيش العربي السوري بدو يخلصنا من كل هالذئاب المسعورة .
طارق  
  0000-00-00 00:00:00   _
عن جد هاد الشي لي عم يصير هلق كتير بتشبه قصة ليلى والذئب بس شكلوا الذئب صار بأيامو الأخيرة .
محمد  
هل ترغب في التعليق على الموضوع ؟
ملاحظة : جميع التعليقات المنشورة تعبر عن رأي أصحابها ولا علاقة لموقع دام برس الإخباري بمحتواها
الاسم الكامل : *
المدينة :
عنوان التعليق : *
التعليق : *
*
   
Copyright © dampress.net - All rights reserved 2020
Powered by Ten-neT.biz