Logo Dampress

آخر تحديث : الجمعة 29 آذار 2024   الساعة 12:08:09
دام برس : http://alsham-univ.sy/
دام برس : http://www.
فوارق بسيطة بين ثورة 8 اذار و الثورة الحالية ... يعني ما في فرق كبير كتير بيناتن

دام برس

نقدم لكم فوارق بسيطة بين ثورة 8 اذار و الثورة الحالية ... يعني ما في فرق كبير كتير بيناتن

ثورة 8 اذار وصلت الكهربا لكل ضيعة و منطقة بسوريا
الثورة الحالية قطعت الكهربا عن كل سوريا كتر الله خيرن

ثورة 8 اذار وصلت سوريا ببعضها عن طريق تزفيت الطرق
الثورة الحالية قطعت المدينة الوحدة عن طريق الحواجز

ثورة 8 اذار سورية خالصة
الثورة الحالية مشكلة ملونة بالجنسيات و عم تطبق مبدأ العولمة بالثورات

ثورة 8 اذار عملت المازوت و الخبز و الرز و السكر مدعومين
الثورة الحالية بتدفع حق ربطة الخبز هديك الحسبة و ما في ببعض الاوقات

ثورة 8 اذار بتدرسك انت و ولادك بالمدرسة و بالجامعة و ببلاش
الثورة الحالية .. لا دراسة ولا تدريس حتى يسقط الرئيس
هون عم يطبقوا مبدأ جديد ... بس ما الو اسم لسا

ثورة 8 اذار الطبابة ببلاش حتى لو كان معك سرطان بعيد الشر عن الجميع
الثورة الحالية بتقدمك لاهلك ميت جريح مصاب مشلول ومقطع جاهز في حال كنت مع النظام
او كنت عسكري او شرطي او بالامن و اكيد ببلاش و بدون دفع فلوس زيادة

ثورة 8 اذار كان الها كيان و برنامج تطبق شي منو على الاقل
الثورة الحالية تعا ناقش ما بدي .. تعا حاور ما بدي ... تعا نعمل احزاب ما بدي
يعني بالخلاصة ما بيعرفوا شو بدن ... و ستستمر الثورة السلمية المسلحة

ثورة 8 اذار كان الها قائد او زعيم او رئيس
الثورة الحالية ما بتعرفلها راس من دنب .. شوربا

مع الاحترام الى من يستحقه طبعاً .

اقرأ أيضا ...
تعليقات حول الموضوع
  0000-00-00 00:00:00   فرق شاسع مابينالثورتين
ثورة 8 اّذار ثورة عز ورحمة وبركات وخير أما ألي مابتتسم ثورة الشيطططططان والله يحمي سوريا
نور الزهراء  
  0000-00-00 00:00:00   الله يرحمك
شي بيضحك فعلا و الفرق واضح...ياريت ترجع هديك الايام..رحمة الله عليك يا سيدي الرئيس حافظ الاسد
فؤاد  
  0000-00-00 00:00:00   ثورة 8 اذار
الرئيس الخالد حافظ الأسد كانت وصيته لكل عائلة شهيد قابلها أن يكون الأبناء بعثيين حقيقين في خدمة بلدهم إجينا نحنا لغينا المادة الثامنة من الدستور إنشاء الله يظل الجيش عقائدي و ما يدخل بلعبة السياسة لأن قوى الشر التي تعيش معنا و بيننا انكشفت تماما" في هذه الأزمة و ستبقى تنخر و لو بعد زمن
دمشقي  
  0000-00-00 00:00:00   معك حق
ياريت ترسلها لذين يسمو حالهم تنسيقات وخاصة علاد العظيم وعويدات الذي مابدوا يعطي تعليق للاعلام السورية والله ياهيك حرية ومحبة لسورية المكتوب مبين من عنوانه حسبي الله ونعم الوكيل على الذي خرب سوريا الجهلة
phatimeh fares  
هل ترغب في التعليق على الموضوع ؟
ملاحظة : جميع التعليقات المنشورة تعبر عن رأي أصحابها ولا علاقة لموقع دام برس الإخباري بمحتواها
الاسم الكامل : *
المدينة :
عنوان التعليق : *
التعليق : *
*
   
دام برس : http://sia.gov.sy/
دام برس : https://www.facebook.com/Syrian.Ministry.Culture/

فيديو دام برس

الأرشيف
Copyright © dampress.net - All rights reserved 2024
Powered by Ten-neT.biz