Logo Dampress

آخر تحديث : الخميس 28 آذار 2024   الساعة 21:37:24
دام برس : http://alsham-univ.sy/
دام برس : http://www.
من مهازل برنامج تشغيل الشباب باللاذقية.. المسؤولون تقاسموا الكعكة عفواً الوظائف ووزعوها على أبنائهم وأقربائهم ..أي جحا عمل مسابقة لتشغيل الشباب وجحا نجح فيها لوحده

خاص دام برس - بلال سليطين :

"هذه مؤسسة دولة وليست مزرعة يستثمرها المسؤولون وأبناؤهم من بعدهم" هذه العبارة وغيرها من عبارات الشجب والتنديد ستسمعها مئات المرات لمجرد الوقوف أمام اللوحة التي وضعت عليها أسماء الناجحين في مسابقة برنامج تشغيل الشباب لصالح وزارة الإدارة المحلية وتحديداً لمحافظة اللاذقية.

نتائج المسابقة التي صدرت صباح يوم الأحد جاءت لتقول "لا شيء تغير" وصناع القرار في محافظة اللاذقية لم يقتنعوا بعد بأن هناك أزمة وطنية تمر بها سورية وأن المواطنين على سوية واحدة ولا فرق بين ابن فلان وابن فلان حتى ينجح ابن فلان في المسابقة لأن والده مسؤول ولا ينجح ابن فلان رغم أن والده مصاب حرب !!!!!

أسماء الناجحين وأصحاب العلامات العالية مع نسبتهم كافية لتشرح الكثير عن مسابقة تشغيل الشباب وعن حجم الاستهتار بالمواطنين ودفعهم للتقديم على هكذا مسابقة دون فائدة، فالناجحون والمتفوقون أصحاب العلامات الشبه تامة هم (عينة بسيطة) "أسماء جمال أمون" (والدها مدير الخدمات الفنية)، "فاطمة عمار ساعي" (شقيقتها "سماح ساعي" العضو في لجنة الفحص ووضع الأسئلة)،"براءة أحمد عهد علاونجي" (وهي من عائلة نائب رئيس الوزراء وزير الإدارة المحلية "عمر غلاونجي")،  "نغم فؤاد شريتح" (من عائلة "شريتح") "دانية صديق مطره جي" (ابنة رئيس مجلس مدينة اللاذقية) ... والقائمة تطول وفيها أقرباء لمدراء ومسؤولين آخرين كثر بالإضافة لأشخاص مستنفذين في الدولة.

طبعاً الناجحون عن الشهادة الثانوية وعددهم /26/ حصلوا على /85/ علامة في المسابقة الكتابية التي جرى حديث في الأوساط المحلية عن تسريب أسئلتها، وهم ليسوا فقط من حصدوا هذه العلامة فقد حصدها معهم كثيرون وهي العلامة الكاملة للامتحان الكتابي!، وهذا كان مفاجئاً على مايبدو لدرجة جعلت القائمين على المسابقة يجرون الفحص الشفهي قبل أن يعلنوا نتائج المسابقة الكتابية على غير العادة التي تحدث في هكذا مسابقات.

بيضة القبان كما تسمى كانت في الامتحان الشفهي والذي حصل فيه /26/ متسابقاً /12/ درجة ليكون مجموع ما حصدوه /97/ من /100/، لكن اللافت أن الأسماء التي حصلت على العلامة /12/ هي الأسماء التي ذكرناها في الأعلى وقد تم تمرير بعض الأسماء ضمنها (منشان ما تحمر العين كثير)، علما أن كل الناجحين حصلوا على العلامة /12/ في الامتحان الشفهي بينما حصل الخاسرون الأقرب لهم على /11/ علامة بفارق علامة واحدة عنهم هذا فيما يتعلق بحملة الشهادة الثانوية.

أما بالنسبة للناجحين في مسابقة خريجي الاقتصاد نجد أن الوحيدة التي حصلت على العلامة /97/ وهي العلامة الأعلى "دانية صديق مطره جي" ابنة رئيس مجلس مدينة اللاذقية، "دانية" حصلت على /85/علامة بالامتحان الكتابي وقد حصل معها متسابق آخر فقط على ذات العلامة لكنها تفوقت عليه بالامتحان الشفهي من خلال حصولها على /12/ علامة فيما حصل هو على /11/، طبعاً ترتيب الأوائل لا يشير إلى وجود (منافسة) كما في مسابقة الثانوية، حيث الأول في مسابقة الاقتصاد أي دانية /97/ والثاني /96/ والثالث والرابع والخامس /94/ فيما حصد السادس والسابع /93/ فيما نال الثامن /90/ علامة قبل أن تبدأ العلامات بالهبوط تدريجياً.

نتائج مخيبة للآمال خرجت بها مسابقة برنامج تشغيل الشباب عن قطاع الإدارة المحلية (المحافظة) في اللاذقية، في وقت جرى فيه حديث عن عمليات تلاعب وفساد ومحسوبيات ونجاح أشخاص لم يحضروا امتحانات ولا مقابلات وآخرون فصلت العلامات على مقاسهم، لكن القشة التي قصمت ظهر البعير كانت عندما اطلع المتسابقون على أسماء الناجحين الذين معظمهم أبناء المسؤولين حينها كانت الفاجعة والصدمة الغير متوقعة في مرحلة كهذه المرحلة التي تمر بها سورية.

يذكر أن مسابقة المحافظة ليست الوحيدة التي شهدت حالات مشابهة وسيكون لنا وقفة عند كل مسابقة جرت في محافظة اللاذقية وبالأسماء والنتائج في تقارير لاحقة

اقرأ أيضا ...
تعليقات حول الموضوع
  0000-00-00 00:00:00   شبيحة
نحنا شبيحة باللاذقية لهيك ما النا حق بش
الصقر عدنان أحمد  
  0000-00-00 00:00:00   متقدم
كمان نحنا اتعرضنا لمهزلة كبيرة اسمها مسابقة السياحة باللاذقية لتشغيل الشباب , و الأجدر تتسمى مسابقة تحطيم الشباب لأنو بعد هالمسابقة ما ضل عنا قوة للحياة بس و الله حرام يعملوا فينا هيك. بعني اذا ضحكلهون الزمان و صاروا مسؤولين بيبيعوا الشعب و البلد. طيب ميشان مين استشهدوا أقربائنا و جيراننا....
مسابقة السياحة باللاذقية كمان مهزلة  
  0000-00-00 00:00:00   قاضي الولاد شنق حالو ...
ليس هنالك اي مسابقة بالعالم ترضي جميع المتقدمين ... ما القانون الذي يمنع ابناء المسؤولين من التقدم الى المسابقات وما ادراكم بانهم لم ينجحو من تعبهم ودراستهم ... (المعروف دائما ان كل خاسر هو معارض).. قسما بالله انني مواطنا عادي ولست لاابن مسؤول ولا شقيق لمسؤول ...
نوار  
  0000-00-00 00:00:00   ليس في اللاذقية فقط... الفساد مستشري
ليس في اللاذقية اطلعوا على نتائج مسابقة وزارة الاعلام عدد من الناجحين اقرباء بعض المدراء في الوزارة . قريبة مدير مكتب الوزير ( كندة علي) ابنة مدير الشؤون الادارية( نور معمار) شقيق مديرة الاعلام الداخلي(علاء سلمان) قريبة سكرتيرة مدير الشؤون الادارية( اليسار سمعان) هذا غيض من فيض مع العلم بان مدير مكتب الوزير عين اثنان من اقربائه في الوزارة وايضا مدير الشؤون الادارية عين اثنان من اولاده في التلفزيون الى متى هذا الفساد سيظل جاثما على صدورنا
ابو علي  
  0000-00-00 00:00:00   سوريا
راح ضل كل عمرها عوج وكذلك وضع في وزارة الاعلام ومابس هيك تقدم لمسابقة حوالي 5000 متسابق ورئيس الديوان مع مجموعتة كانو يبيعون طلب للمتقدمين بقيمة ة25 ليرة مع العلم طلب مجاني احسبها منيح كم من الاموال جمع من هذة المسابقة وكذلك حصل مسابقة ثانية لسائقين ومستخدمين تقدم اليها عدد كبير وياخذ 5 3 ليرة فارجو ايصالها لسيد وزير
سوريا  
  0000-00-00 00:00:00   عوجـــــــــــــا
دائما ابناء الطبقة الكادحة يدفعون الثمن من الشهداء و الفساد و و و و و و
ابو علي  
  0000-00-00 00:00:00   ناطرين ردة الفعل
إن ماذكر بالتقرير ما هو إلا غيض من فيض ومسابقة المحافظة مثال على الكثير ولكن بعد كل ما تقدم وكل ما قيل سننتظر ..... هل سيكون هناك أي ردة فعل من الحكومة العتيدة أو حتى من مجلس الشعب الذي أوكد لكمن أنه تم الطلب منه مرارا ً إلغاء نتائج المسابقات ....... بلدنا أمانة بأعناقنا كلمة يرددها المسؤولون بدون أن يفهموا معناها
علاء  
  0000-00-00 00:00:00   لأيمتى؟
صرنا ب 2013 و بعدا الواسطة شغّالة.......................و السؤال اللي بيفرض نفسو: وك لأيمتى؟؟ ينعن هك حالة !!!والله محدن خرّب هالبلد غير هك ناس تبعون ريشة ع راسهن..........
لبوة جبلـة  
  0000-00-00 00:00:00   لأيمتى؟
صرنا ب 2013 و بعدا الواسطة شغّالة.......................و السؤال اللي بيفرض نفسو: وك لأيمتى؟؟ ينعن هك حالة !!!والله محدن خرّب هالبلد غير هك ناس تبعون ريشة ع راسهن..........
لبوة جبلـة  
  0000-00-00 00:00:00   عدالة اجتماعية
ياشباب في عالم نجحاني بمسابقة الشؤون والمحافظة بس منشان العدالة الاجتماعية اختارت المحافظة لانو ابوها بالمحافظة عيب اللهه يلعن الساعة الي قدمت فيها قال عدالة اجتماعية قال .............
ما النا اسم  
  0000-00-00 00:00:00   ع شو انفلتوا هالفلتة كلا
هلق مشان خمس اسماء انفلتوا كل هالفلتة كلها راجعوا اسماء المقبولين بالتربية وشيلولي كم اسم من الي بيهمكون امرون موجود فيها رح تشوفوا انها كلا لأبناء الوطن الغالي الي عم يضحوا بدمون كرمال البلد
كحيلة الحلوة  
  0000-00-00 00:00:00   إلى جميع المعلقين
إلى جميع المعلقين واشباههم: اثبتوا مره أنكم جديرون بما تحملون أو كونوا على مستوى ما تنتقدون . اخرجوا إلى الشارع وهاجموا على اوكار الفساد أم أنكم تستمرءون الفساد وانتم مجرد نقاقين...
حسن٢  
  0000-00-00 00:00:00   مسابقة تشغيل الشباب
كالعادة المسابقات لا تعتمد لا ع الثقافة العامة ولا ع غيرها قال مين بتشوف المدام سماح تحركت شفتو قبل بالجواب ف هادا هوي يعني كل شي الواحد تعب ودرس واطلع حقو نص فرنك للاسف فكل شي عنا بالواسطة وهالشي بينطبق ع كل المسابقات .بنفس الوقت في سوء تنظيم طيب اللجنة كيف بدها تلحق تعمل مقابلة ل 7000 شخص ولو ع مدى 3 ايام ما بيوصل اخر النهار وما تكون اللجنة هلكت واللي عم يتقدموا ع المسابقة تلفو وشو هي الالية الفعالة اللي لازم تكون لينعرف اذا هالشخص مؤهل ولا لاو لتتحقق عنا العدالة بالمسابقات ...طيب طالما المسابقة بس للاشخاص كحد اقصى اللي عمرون لل35 طيب ليش ما بتنعمل ألية مثلا للاشخاص من عمر 27 ومافوق ليكون في فرص اكبر للي اقتربو من ال35 ما يكون نجحان بكالوريا وعم يقدم ع المسابقة طالما رح يكون في فرص لقدام اكتروينترك المجال لغيرو ........بيضل هيدا مجرد اقتراح شكرا .......ديما
ديما  
  0000-00-00 00:00:00   اولك تفوووووووووووووووووووووووووووو
قدمت على مسابقة البحوث الزراعية والحمدلله طلعت النتائج ع الشام وارتحنا من فساد المسؤؤلين في اللاذقية لانو غير اللي خلقهن مارح يغير شي بس حرام هالشباب اللي استشهدو من الجيش يروح دمهن سدى ليش مايكونوا منارة لتغيير الفسادوالفاسدين بكل محافظة من محافظات هالوطن الغالي
مهندسة زراعية  
  0000-00-00 00:00:00   سذاجة
يضحكو علينا لان معتبرينا ساذجين
التاج  
  0000-00-00 00:00:00   قرفنا
ولووووووووووووقسما بالله قرفنا الفساد للعظم وما عاد حدا استحا بس احترموا هالبشر شوي لعمة صحي
حسام  
  0000-00-00 00:00:00   قرفنا
ولووووووووووووقسما بالله قرفنا الفساد للعظم وما عاد حدا استحا بس احترموا هالبشر شوي لعمة صحي
حسام  
  0000-00-00 00:00:00   عوجا والطابق مكشوف
يلعن ابو هيك مسؤلين انهم طفيليات يجب حرقها هؤلاء المنتفعين والمتسلقين على اكتاف الاخرين لايخدمون البلد في شيئ سوى سرقتها والله العظيم استحلينا نشوف او نسمع بأبن مسؤول استشهد من بداية هيدي المؤامره الى الان أو بأحد منهم يحمل السلاح الى جانب الجيش العربي السوري ياالله ريحنامنهم هؤلاء الانتهازيين !!!!؟؟؟!
لامار  
  0000-00-00 00:00:00   هيك تعودنا ما فيه شي جديد
نحنا باقي فئات الشعب عم ندفع دم كرمال مو بس المسئولين لأء و كرمال عيون ولادون كمان و مو بس ولادن لأء و بناتون كمان حرام بناتون ما عم يلاقو مين يصرف علين بدن و ظيفه و راتب منشان يروحو يداومو و يدافعو عن الوطن من مناصبهن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بشار  
  0000-00-00 00:00:00   متابعه
اذا كان هذا صحيحا ويجمع عليه آخرون نطلب من دام برس ان تتابع هذا الموضوع بشكل جدي مع المسؤولين وليكن عملا مقاوما
سوري للعضم  
  0000-00-00 00:00:00   شكرا
عنجد شكرااااااااااااااااااااااااااااا كتيررررررررررررررررررررررررررررررريا حراااااااااااااام بس حرام
زينب فارس  
  0000-00-00 00:00:00   ...
الفساد هو سبب كل مشاكلنا والكل عم يطالب بمحو الفساد...بس المشكلة الكل فاسد
ىلاء  
  0000-00-00 00:00:00   ...
النا الله ما بينسانا...سوريا ما بتستاهل الا كل منيح
رزان  
  0000-00-00 00:00:00   ...
ايمت رح تخلص هالمهازل من سوريا ...والله حرام اللي عم يعملوه بسوريا
ورد  
  0000-00-00 00:00:00   ...
هيك ناس ما لازم نسكت عنها لأن هي السبب باللي صار بالبلد...
لمى  
  0000-00-00 00:00:00   ...
هدول الناس مثل الارهابيين وما بيفرقوا عنهم شي...
سابين  
  0000-00-00 00:00:00   ...
سوريا بلد ما بيستاهل الا كل خير...بس اذا كانت النفوس مريضة شو منعمل
سمر  
  0000-00-00 00:00:00   ...
لأن النتائج كانت معروفة سلفا ما قدمنا ع المسابقات وهي طلع كلامنا مظبوط...
رامي خليل  
  0000-00-00 00:00:00   ...
بكرا منشوف هالمسؤولين نفسهم ع التلفزيون وعم يطالبوا بالاصلاح...شي مسخرة
كارلا  
  0000-00-00 00:00:00   أبناء الشهداء أحق
أبناء الشهداء كانوا أولى العالم بالوظائف بسوريا ...لأن ولاد المسؤلين مارح يموتوا اذا ما وظفوا
لميس  
  0000-00-00 00:00:00   ...
هي هيي الحال من يوم يومها بسوريا...قلنا بلكي النفوس انصلحت شوي بعد الازمة طلع ما في فائده ...فالج لا تعالج
بشار  
  0000-00-00 00:00:00   ...
كل اللي بيعمل هي الاعمال بكون عم يخون البلد متل المسلحين وأكتر كمان...
مهند  
  0000-00-00 00:00:00   ...
الله يريح سوريا من كل الفاسدين اللي عم يخربوا هالبلد...
اسماعيل  
  0000-00-00 00:00:00   ...
هل من الممكن أن ياتي يوم ويكون لدى السوريين ثقة بالمسابقات التي تجرى للتوظيف...؟؟؟
صقر  
  0000-00-00 00:00:00   أسف ومرارة
لكل أمر إذا ماتم نقصان فلا يغر بطيب العيش انسان هي الأمور كما شاهدتها امم من سره زمن ساءته أزمان اتقوا الله في عباده أيها الأسياد فهناك آلاف المنتظرين في الدور ويحتاجون الوظيفة لإكمال مسيرة حياتهم على الأقل أكثر منكم اتركو المجال لتكافؤ الفرص فنحن معكم كونوا معنا والله يوفق الجميع
شحادة خليفة  
  0000-00-00 00:00:00   التوظيف ببلدنا
التوظيف ببلدنا كان حلم ومازال حلم...وطالما أن هذه النفوس المريضة موجودة سيكون في المستقبل حلم أيضا
أمين  
  0000-00-00 00:00:00   المسابقات
اذا كان هيك صاير بمسابقة المحافظة معناها ببقية المسابقات شو صاير ...
علي  
  0000-00-00 00:00:00   هيدا بسيط
-أنت مواطن شريف وعندت وطالبت .... -خيو نجحت وبعدين متى ستتعين -خيو تعينت ومين فاضيلك تيحميك في العمل من الدساسين وتقارير التقييم ألامني -ولك رح تطلع صحيفتك من أول يوم مليانة /سبيت الرئيس .!رجمت الكعبة .!سرقت بنزين السيارة .التى من المفرض تكون عندك بس لاتحلم تشوفها -خيو أنا جلطوني .وباقي على قلوبهم صحيح معتر ومديون وكل شهر الف ليرة دواء ...بس لأنو هالوطن غالي -خيو بنت الديرة حلوة بس لساها صغيرة وبدا من يحميها تتصير كبيرة... -ولولا هيك شنقت حالي.
عبدو  
  0000-00-00 00:00:00   قريبتي بالمحافظة
هذا ماقالته قريبتي عن فحص المحافظة باللاذقية : الاسئلة الكتابية وزعت على المتقدمين وفوراً واحدة من المتقدمات فتحت الموبايل وبدأت بالكتابة وعند انتهائها نقلت أوراقها بشكل فاضح لزميلاتها المقربين ووووو الباقي عندكم . واسمها وارد بالمقالة وللاسف سيتم توظيفهم لانهم أغنياء ونحن فقراء ..
ابن سوريا  
  0000-00-00 00:00:00   رغم الكلام
رغم كل هالكلام...لا حياة لمن تنادي...ماحدا رح يرد والنتائج صدرت وما حدا رح ينسأل ليش هيك صار
جابر  
  0000-00-00 00:00:00   حرام
حرام عليهم يعملوا بسوريا هيك...سوريا ما صار فيها اللي صار الا بسبب الفاسدين امثالهم
يزن  
  0000-00-00 00:00:00   فعلا مهزلة
فعلا مهزلة والله...ما صدقنا اجت المسابقات اللي ناطرينها من سنين سرقوها من الشعب بلمح البصر
يارا عيسى  
  0000-00-00 00:00:00   ...
كل اللي عملوا هيك بالمسابقات هم السبب في الأزمة التي تمر بها سوريا هم وأمثالهم في بقية المحافظات لأن هذا الأمر ليس مقتصر على اللاذقية فقط...
هدى  
  0000-00-00 00:00:00   أبناء الشعب
اذا من يوم يومها بتصير مسابقة وابناء المسؤولين بيتعينوا فيها...أبناء الشعب البسطاء شو يعملوا بحالهم يموتوا مثلا
مجد  
  0000-00-00 00:00:00   أبناء الشهداء
كان أحق من كل هدول اللي نجحوا ولاد الشهداء اللي ضحوا بأرواحهم ليعيشوا هدول اللي نجحوا ...
محمد أدهم  
  0000-00-00 00:00:00   ما في شي بيتغير
رغم كل هالكلاموالكشف عن التلاعب اللي صار بالمسابقات ما حدا رح يحرك ساكن والنتائج رح تبقى متل ما هيي...
قيس  
  0000-00-00 00:00:00   الحق على اللي قدم
الحق على كل واحد راح وقدم ع المسابقات لأن معروف سلفا انو رح يصير هيك...
رامي خليل  
  0000-00-00 00:00:00   الإصلاح
من طول عمرها المسابقات بسوريا هيك ما في شي تغير ولا رح يتغير...بقولوا بدهم اصلاح...يصلحوا البشر نفوسهم بتنصلح الدنيا
مي علي  
  0000-00-00 00:00:00   والنعم من هيك مسؤولين
لقد قرف شعب اللاذقيه من هؤولاء الكذابين المخربين اللصوص ناقصنا يجيبولنا أولادهم وهم منذ سنين معروفين بفشلهم
أحمد  
  0000-00-00 00:00:00   سوريا
من وين بدها تخلص سوريا من أزمتها وتعمر من جديد طالما في هيك نماذج من البشر موجودين فيها...
ابراهيم سلامه  
  0000-00-00 00:00:00   احسنت يابلال سليطين
ضربت الف عصفور بحجر واحد علينا ان لانسكت علينا ان نفضحهم لقد فضحت انت ليس المسابقة فقط بل اكبر من ذلك بكثير لقد فضحت من هم المتحكمين الحقيقيين بمحافظة اللاذقية ومن هم الحكام الحقيقيين وليس كما يدعي الاخرون صرعوا سمانا صرع بالاستئثار بالحكم والنفوذ راقبوا هذه الاسماء ومن وراءها تعلمون من هم المتحكمون الحقيقيون افرقونا خيوا بقى وحلو عن سمانا قرد على هالشغلة غدا اذا تم توظيف ابن شهيد او ابن معتر او ابن هؤلاء الذين صار لهم يموتون في سبيل سوريا خمسون عام يصرعونا صرع ويبدأ الزعيق واسطة واسطة بس من ناحية تانية بيجوز يكون معهم حق هذل لانهم ناضلوا ولم ينشقوا حتى الان يعني
سوري  
  0000-00-00 00:00:00   شو هالقرف
ســــورية عم تروح من بين إيدينا بسبب هيك نماذج هؤلاء أقذر من الارهابيين الذين يقاتلونا في الشوارع
نور مهنا  
هل ترغب في التعليق على الموضوع ؟
ملاحظة : جميع التعليقات المنشورة تعبر عن رأي أصحابها ولا علاقة لموقع دام برس الإخباري بمحتواها
الاسم الكامل : *
المدينة :
عنوان التعليق : *
التعليق : *
*
   
دام برس : http://sia.gov.sy/
دام برس : https://www.facebook.com/Syrian.Ministry.Culture/

فيديو دام برس

الأرشيف
Copyright © dampress.net - All rights reserved 2024
Powered by Ten-neT.biz