Logo Dampress

آخر تحديث : الجمعة 29 آذار 2024   الساعة 00:45:44
دام برس : http://alsham-univ.sy/
دام برس : http://www.
ولك آآآخخ يا وطني ..ما كنت بعرف انو ورق الشجر بينحرق ..بقلم: إنانا الأعسر

دام برس

سوريا ..... يا حبيبتي , غيرولنا حياتنا يا سوريتي , هدموا حيطان الامان بحياتنا , حرقوا ... ما كنت بعرف انو ورق الشجر بينحرق ... , بس هنن قدروا يحرقوا الورد و الشجر و كلشي أخضر بجنينتنا  ..
تشوه المشوار الحلو ...
تشوهت الضحكة ..
ولك آآآخخ يا وطني ..
.اختفى الاستقرار ...
اختفى الأمان ....
الناس تهجرت ....
. و تهدمت بيوتا كمان !
أمهات عم تسوح بالشوارع عم تصرخ و تبكي ....
خايفة على ابنها اللي لسا ما رجع عالبيت ...
سرقة ، اعتداء، خطف و اغتيال ...
كل هاد عم يصير على أرضك يا وطني ...
والله حرقة ... واللهييييييي حرقة بقلوبنا !
سوريا مهد الحضارات .... سوريا مافي متلا ...
شعبنا كان مصدر فخرنا ...ولك آآآآخخخ .... آخخ منك يا بن حارتي ....
بتذكر أديش لعبنا سوا نحنا و صغار ...؟؟
هلأ صرت خايف مني ...؟هلأ بعد سنين ... كيف خطرلك تسأل شو طائفتي ...؟؟
هلأ صارت عندك القدرة تقتلني ؟
آآآخخ شو عملوا ببلدنا ... فرقونا ... عذبونا ...خلونا نخاف من بعض ... أو بالأحرى نخاف من كلشي ...
ولك والله الدموع هلأ عم تكفت متل النهر من عيوني !
زعلانة على بلدي ... أهلي و وطني ... زعلانة على سوريتي
لا تضيعولي بلدي ... لا تضيعولنا بلدنا
رجعولنا سوريا الحبيبة ... رجعولنا حبنا للحياة ...
رجعوا وطننا ...رجعوا الضحكة على وجه الطفل الصغير
رجعوا الضحكة على وجه جدي الكبير ...شتقتلها
صرلي اكثر من سنة ما شفتوه عم يضحك ..
.جدو زعلان ... بابا معصب ...
لك بدي شوف حدا من قلبو عم يضحك !!
بدي بلدي .. بدي وطني ...
بدي ترجع مثل ما كانت حياتي ....بدي سوريتي ... سوريتنا ....
آآآآخخ يا سوريا آآخخخ رجعيلنا .... رجعيلي
آآآآخخ يا سوريا ..... آآآآآآآآآآآآآخخخخخخخخخخخ يا حبيبتي

بقلم إنانا الأعسر

اقرأ أيضا ...
تعليقات حول الموضوع
  0000-00-00 00:00:00   سوريا الحبيبة
يا رب احمي سوريا وأهل سوريا الأوفياء , والله حكيتي عن وجع كل سوري شريف و سورية مجروحة و مفجوعة من كل اللي عم يصير . بلدنا الحلوة وين صارت و لوين لسه بدها توصل . بلدنا اللي كان ينضرب فيها المثل بالحب والأمان في كل مكان وينها ؟ يا رب إنت الحامي احمي بلدي واحمي شعبي المسكين يللي صار كل همو يدور على الأمان , يا رب إنت باركت بأرض الشام إحميها يا رب من الأشرار اللي حرقوها و حرقوا كل شي حلو بحياتنا . يا رب احفظ أوليائك اللي اندفنوا بالشام واحفظ يا رب بيوتك اللي حرقها وخربها اللي ادعوا الإسلام وطالبوا بالحرية اللي ما بيعرفوا معناها . يا رب رجع الأمان ورجع الضحكة والبسمة لوجه الأطفال اللي ما الهن ذنب بكل اللي صار . يا رب إنت المفرج فِّرج الكرب وزيح عنّا الهم و انصر المظلوم و احفظ يا رب بلد الحب والياسمين .
mona  
  0000-00-00 00:00:00   بحبك سورية
اه اه اه يا بلادي . يارب احمي سوريتي يا رب
jasmin  
  0000-00-00 00:00:00   سوريا الأسد
لن يهزم ياسمين نبت في أرضك ياشام لن يبوح بحر لغير شواطئك باللاذقية لن تقف شامخة تحادث السماء سوى أعمدتك الشاهقة زنوبيا لن تزأر الأسود إلا على ترابك ياسوريا
عمار #  
  0000-00-00 00:00:00   بلدي الحبيب
الله يحميكي سوريا و ينتقم من يلي كان السبب
علا #  
  0000-00-00 00:00:00   عاشت سوريا الأسد
كلام جميل جدا و معبر
مرح #  
  0000-00-00 00:00:00   الله يحميكي سوريا
هاج وجع كل سوري
سومر #  
  0000-00-00 00:00:00   دمشق
والله كتير حلوة و مؤثرة كمان هههه
إنانا الأعسر  
هل ترغب في التعليق على الموضوع ؟
ملاحظة : جميع التعليقات المنشورة تعبر عن رأي أصحابها ولا علاقة لموقع دام برس الإخباري بمحتواها
الاسم الكامل : *
المدينة :
عنوان التعليق : *
التعليق : *
*
   
دام برس : http://sia.gov.sy/
دام برس : https://www.facebook.com/Syrian.Ministry.Culture/

فيديو دام برس

الأرشيف
Copyright © dampress.net - All rights reserved 2024
Powered by Ten-neT.biz