دمشق – ثائر العجلاني
• سؤال : شو رأيك بالمعارضة الخارجية  ..سألني سائل ؟
جواب : لساتها بشرذمتها رغم المال الخليجي, تحاول الايهام بواقع إفتراضي وقت بتكرر الحكي عن سوريا بعد سقوط النظام  وأغلب المحرضين هم نفسهم من كانوا يقبضون الأموال من أرباب الفساد في البلاد  ليدافعوا عن الوطن المقاوم الممانع, وهي  المعارضة الخارجية  التي بذلك تورط  المزيد  من الناس بالاصطدام مع السلطات التي لن توفر سلاحاً إلا وستستخدمه لبسط سيطرتها على البلاد باستثناء السلاح الكيماوي ( حسب ماوعدنا السيد جهاد مقدسي إن صدق  ) في الوقت الذي هربت هي فيه خارج حدود البلاد.
• يعني أنت بتصدق أزلام النظام ؟
جواب :  لست مع نظريه أبلسه النظام ولا أطالب بأن تروه ملاكاً .
• سؤال : طيب والمعارضة الداخلية ؟
جواب : بتشبه الملابس الداخلية منها الموديرن الملون  ومنها الكلاسيكي الأبيض,  بعضها  التصق بجسد النظام حتى أصبح جزءاً حميمياً منه  يرى من المعيب ان يكمل مسيرته  بدونها.
• سؤال : بس ألا  ترى أن المعارضه أصبحت تمتلك من القوة السياسية والعسكرية ما يجعلها تنجح بثورتها ؟
جواب : عميقَ هو الفرق بين وجوه المعارضات في الخارج والحراك الذي يحمل السلاح في الداخل . يلي لبس دور أبو عصام والعكيد و اختصر البلد بباب  الحارة  لازم يصحى  ..تمردكم الذي تستطيبوا تسميته بالثورة قد إختطف ..منذ أول يوم نجح النظام بتسهيل عسكرة  حراككم سقطتم وسقط معكم مشروع كبير رسم خارج الحدود وأصبحتم غطاء شرعي لنشاط غير شرعي وأصبحتم أشبه بطلبي ثأر من طلاب حريه ..ووحدة ..وربما غدا اشتراكية ..
• سؤال : يعني لا تؤمن بالثورة ؟
جواب : الايمان بالله – كبر عقلك يارجل – إذا انت بتأمن إنها ثورة أنا بآمن .
• سؤال : بفهم منك أنك لا تعترف  بالمعارضة أيضا ؟
جواب : اخي من حق كل شخص ان لا يحب الرئيس فالمحبة من الله لكن ليس من حقه ان يلغي مؤيديه ..الحياة(  مجاكرة  ) لا تعاش.
• سؤال : يعني تيار ثالث ؟
جواب : لا تيار تالت ولا تيارا مستقبل ..بدي كون تيار كهربا ليستفيد مني أهلي الذين عادوا للعصور الوسطى ع ضوء  الشموع ..بفضل ثورتكم التي أصبحت شماعه يعلق عليها النظام كل أخطاءه ماتقدم منها وما تاخر ...
• سؤال : بس مين بلش بالقتل ؟
جواب : سؤالك متل مين ولد قبل البيضة ولا الجاجة .

• بس النظام ساقط ساقط !!
اي.. ومن سنة ونص أيامه معدودة ..وسنبقى نعد حتى نموت  كلنا ويحكم النظام نفسه وبنفسه وهي إن حدثت تعتبر صيحة جديد بعالم السياسة وتصبح بديلا عن حكم الشعب نفسه بنفسه.

• سيسقط لأننا لن نسكت عن دماء حمزة الخطيب و باقي شهدائنا .
انت مفكر أن النظام ومن يؤيده سيسكتون عن دماء نضال جنود وسارية حسون وخيرة ضباطه ..خليكن عم تتقاتلو لحتى نخلص كلنا هيك منرتاح ومنريح مجلس الامن يلي ماعنده شغله غيرنا .
• هدول قتلن النظام و تهمتنا قناه الدنيا الكذابه فيهن
اخي بغض النظر عن...
• مقاطعا انا ماني أخوك ..انا بشرفني كون أخو الـ( الدكرة ) ولا كون أخوك
طيب متل مابدك يا أخو ( الدكرة ) بغض النظر عن نظريتكن أنو النظام عم يفجر عناصر الامن ويقتل الجيش ويدبح بعضه بس إنتو بمبارة الكذب فزتم بجدارة فكذبكم خلال سنه و ونص فاق كذب الإعلام السوري بأربعين سنة.
• سؤال : يعني انتصرنا ؟
جواب : طبعا انتصرتوا ... الله يعطيكم العافية
• سؤال : شفت أنو في شغلات بتجمعنا ..شفت ؟
جواب : شفت إنو ماجمعنا هو حب الوطن ومايجمعكم هو كره النظام ...